Татарстан Республикасы Яшьләр эшләре министрлыгында районнарда яшьләр сәясәте учреждениеләре өчен 50 млн. сумлык грант конкурсы проектларын яклау башланды
Бу атнада ТР Яшьләр эшләре министрлыгында районнарда яшьләр сәясәте учреждениеләре өчен 50 миллион сумлык грант конкурсы проектларын яклау эше бара. Конкурс апрель аенда старт алды, гаризалар 26 майга кадәр кабул ителде.
Конкурска барлыгы 40 районнан 98 проект бирелгән, 29 районнан 58 проект турыдан-туры яклануга кертелгән.
«Яшьләр сәясәте учреждениеләре өчен грант конкурслары- моңарчы булмаган ярдәм итү чарасы. Без Татарстан Республикасында яшьләрнең үз – үзләрен күрсәтә алулары өчен, инфраструктура үсеше, мәгариф, иҗат юнәлеше һ.б. мәсьәләләр буенча нинди системалы ярдәм күрсәтелүен беләбез. Шул ук вакытта яшьләр һәм яшьләр сәясәте учреждениеләреннән яшьләр катнаша ала торган проектларны тормышка ашыру өчен сораулар бар. Бүгенге көндә яшьләр сәясәте-ул яшьләр эшләре министрлыгы эше белән чагыштырганда күләмлерәк. Яшьләр сәясәте - ул яшьләр үсеше өчен оештырылган бар нәрсә. Шуңа күрә ведомствоара аралашу бик мөһим. Шунысын да билгеләп үтәргә кирәк, көндезге якта муниципаль учреждение директорлары гына түгел, ТР Муниципаль берәмлекләр башкарма комитетларының җитәкчеләре яки аларның социаль мәсьәләләр буенча урынбасарлары да катнаша. Бу муниципаль район гаризасына бергәләп, комплекслы карарга һәм әлеге проектны яки чаралар комплексын гамәлгә ашыру өчен ни өчен тәкъдим ителүен аңларга мөмкинлек бирә», - дип билгеләп үтә ТР Яшьләр эшләре министры Тимур Сөләйманов.
Җиңүчеләрне бүләкләү Казанда 26 июнь Яшьләр көнен бәйрәм итү кысаларында узачак.