Татарстаннан «Озын тәнәфес» җиңүчеләре Төньяк полюска экспедициягә юл тотачак
Татарстан Яшьләр эшләре министры Тимур Сөләйманов «Озын тәнәфес» Бөтенроссия конкурсының икенче сезон җиңүчеләре белән очрашты. Камилә Юнысова һәм Камилла Якупова «Ледокол открытий» экспедициясе кысаларында Төньяк полюска сәфәргә чыгачаклар. «Ледокол открытий» экспедициясе 19 июльдә старт ала.
«Без еш кына яшәү урынына карамастан, яшьләр файдалана ала торган мөмкинлекләр турында сөйлибез.Бөтенроссия «Озын тәнәфес» проекты шундый мисалларның берсе. Исегезгә төшерәбез, 2021 елда 9-11 сыйныфлар арасында конкурсның финалына Татарстаннан 35 яшүсмер эләкте, шуларның 10сы җиңүче булды һәм 6 млн сум отты. Җиңүчеләр арасында экспедициядә катнашу хокукына аерым конкурс узды. Безнең кызлар бу мөмкинлектән дә файдаландылар. Очрашуда алар үзләренең уңышлары турында сөйләделәр һәм киләчәккә планнары белән уртаклаштылар. Шунысы куанычлы, мәктәпне тәмамлаганнан соң, алар Татарстанда укырга исәплиләр. Аларга барлык башлангычларында да уңышлар телим. Минем шулай ук мактаулы миссиям бар иде — аларга Татарстан әләмен тапшыру, ул тиздән Төньяк полюста башка егет-кызлар белән бергә җәелдереләчәк», - дип билгеләп үтте Тимур Сөләйманов.
Балалар өчен бай мәгариф программасы әзерләнгән. Яшь полярниклар Арктика тикшеренүчеләре һәм атом ледоколы экипажы белән танышачак, Төньяк төбәк табигатьне күрәчәкләр, аның флора һәм фаунасын өйрәнәчәкләр. Күпләр өчен сәяхәт булачак һөнәрне сайларга ярдәм итәчәк.
«Озын тәнәфес» Бөтенроссия конкурсы «Мәгариф» илкүләм проекты кысаларында Россия Мәгариф һәм фән Министрлыгы һәм Россия Мәгариф министрлыгы ярдәме белән үткәрелә. Аны яшьләр эшләре буенча Федераль агентлык (Росмолодежь), «Россия – мөмкинлекләр иле» АКБО, «Большая перемена» АКБО һәм Россия мәктәп укучылары хәрәкәте оештыра. Конкурсның партнеры - «Росатом» дәүләт корпорациясе.