Бушлай яңа һөнәргә ия булу - чынбарлык
«Халыкны эш белән тәэмин итүгә ярдәм итү» федераль проектын тормышка ашыру кысаларында кирәкле цифрлы белгечлекләр буенча квалификация күтәрү һәм һөнәри әзерләү буенча бушлай онлайн-курсларга җыелу ачылды. Укулар билгеле бер категория гражданнар, шул исәптән эшсезләр, декрет ялындагы хатын-кызлар, 35 яшькә кадәрге яшьләр, югары уку йортларын тәмамлаучылар, пенсионерлар һ.б. укырга теләк белдерүчеләр өчен каралган.
«Халыкны эш белән тәэмин итүгә ярдәм итү» федераль проекты гражданнарга яңа белгечлекне үзләштерергә һәм эшкә урнашырга, шәхси эшмәкәр эшен ачарга яки үзмәшгуль булырга ярдәм итәргә тиеш. Укыту тулысынча дистанцион, бу дәресләрне башка эшләр белән бергә алып барырга мөмкинлек бирә, ә уку процессы тыңлаучыларда гамәли күнекмәләр эшләү һәм реаль бурычлар буенча белемнәрне ныгыту өчен оештырылган.Курс тәмамлангач, чыгарылыш укучысы яңа һөнәр буенча сынау сөйләшүләрен һәм стажировкаларын уңышлы гына уза алачак.
Программада катнашучылар төркемнәрдә интенсив уку 1-3 ай эчендә мобиль кушымталар дизайнеры, системалы аналитик, сынаучы, бухгалтер, мәгълүмат аналитигы һ.б. һөнәрләрне уңышлы үзләштерә алачак. Уку сәгатьләренең күләменә карап, чыгарылыш укучысы квалификация күтәрү турында таныклык яки яңадан һөнәри әзерлек турында диплом ала. Уку өчен Интернет, веб-камера һәм микрофонлы компьютер гына кирәк; материалларга шулай ук мобиль җайланмадан файдалану мөмкинлеге дә бар.