Алла Кондратьева: быел Татарстан Яшьләр хөкүмәтенең әһәмияте аеруча югары
27 июльгә кадәр Татарстанда Татарстан Республикасы Яшьләр хөкүмәтенең яңа составын формалаштыру буенча конкурска гаризалар кабул итү дәвам итә. Бүген турыдан-туры эфир узды. Эфирда гариза бирү процедурасы, булачак сайлаучыларның бурычлары һәм яшьләргә күрсәтелә торган мөмкинлекләр турында сөйләделәр.
«Быел Татарстан Яшьләр хөкүмәтенең әһәмияте аеруча югары, моңа кадәр республика Министрлар Кабинеты каршындагы Иҗтимагый яшьләр советы статусы юк иде әле. Яшьләр өчен бу өлкәдә үзләрен сынап карау – бу ТР Министрлар Кабинетының ничек эшләвен карау, дәүләт программаларына һәм ярдәм чаралары белән танышу, шулай ук үз идеяләрен тәкъдим итү мөмкинлеге», - дип билгеләп үтте ТР Яшьләр эшләре министры урынбасары Алла Кондратьева.
Яшьләр хөкүмәте әгъзалары булып 20 яшьтән алып 35 яшькә кадәрге яшьләр оешмалары (бакалавриатның 3 курсыннан башлап) җитәкчеләре һәм әгъзалары, сайлап алынган тармакта иҗтимагый башлангычларда эшләү белән кызыксынучылар була ала.
27 июльгә кадәр гаризалар бирү процессы бара. Аны сайтта тутырырга мөмкин. Биредә барлык этаплар да җентекләп язылган, шулай ук гариза формасы да бар.
«Кешенең тормышка актив тормыш позициясе, әйләнә-тирәсенә нәрсәне дә булса яхшырту, кешеләргә ярдәм итү һәм иҗтимагый файдалы эшләр башкару идеясе булырга тиеш. Моннан тыш, ул нинди-дә булса берләшмә йөзе булырга тиеш», - дип аңлатты Бугрова.
Бу-элемтәләр булдыру, шулай ук бик күп санда укыту һәм тренинглар уздыру мөмкинлеге, дип белдерде Яшьләр хөкүмәте Киңәшчесе, ТР яшьләр үзәге сәнгать җитәкчесе Гөлфия Мотыйгуллина.
Турыдан-туры эфирда Яшьләр хөкүмәте Киңәшчесе, ТР Финанслар министрлыгының сектор мөдире Елена Багаева да катнашты, ул катнашучыларга үз проектын ни рәвешле тәкъдим итәргә кирәклеге турында сөйләде: «Беренче чиратта, сезне борчый торган идея яки тема белән аңлашырга кирәк. Алга таба проектны структуризацияләү, максат, бурычлар кую, тормышка ашыру этапларын билгеләү, шулай ук перспективаларны билгеләү», - дип билгеләп үтте Елена.
Составны формалаштыру механизмы:
27 июньнән 27 июльгә кадәр яшьләр оешмалары һәм үз-үзләрен тәкъдим итүчеләр өчен Яшьләр хөкүмәте составына ачык конкурска, шулай ук Яшьләр хөкүмәте рәисенең вакантлы вазифасына конкурс игълан итүгә гаризалар кабул ителә.
8 августтан 21 августка кадәр тавыш бирү узачак һәм һәр вазыйфага топ-3 кандидат билгеләнәчәк.
22 августтан 5 сентябрьгә кадәр әлеге кандидатлар конкурс комиссиясе алдына үз проектлары белән чыгачак, ә конкурс комиссиясенә профильле министрлар һәм аларның урынбасарлары керәчәк.
12 сентябрьдә Татарстан Республикасы Яшьләр хөкүмәтенең яңа составы билгеләнәчәк.