Татарстан Республикасының «Яшь Гвардия»се җитәкчесе Динар Бариев Мариуполь территориясендә эшен дәвам итә
Мариупольга килеп җиткәннән соң, Татарстан Республикасының «Яшь Гвардия»се җитәкчесе Динар Бариев «METRO» кибете базасында ачылган «Бердәм Россия» партиясенең гуманитар үзәге эшенә кушылды. Аның төп эше складта гуманитар ярдәм формалаштыру һәм балалар ял итү үзәген махсус техника белән җиһазландыру булды.
Бердәм Россия Генераль советы секретаре урынбасары Анна Юрьевна Кузнецованың Гуманитар үзәккә килүе кысаларында, Динар Бариев аңа балалар ял итү үзәгенең эшен тәкъдим итте. Тиздән биредә теннис өстәле, музыка җиһазлары, техника урнаштырылачак, бирегә балалар да, яшүсмерләр дә, тулы бер гаиләләр дә килә алачак. Анна Юрьевна билгеләп үткәнчә, мондый үзәкләрне ачу - бик мөһим бурыч, шуңа күрә бушатылган территорияләрдә тагын берничә шундый үзәк булдырылачак.
«Партиянең гуманитар үзәгендә эшләүдән тыш, безнең эшчәнлекнең мөһим өлешен-адреслы ярдәм күрсәтүне башкарабыз. Кичә Илья янына бардык, ул сәламәтлеге буенча йөри алмый. Без аны теш врачына алып барырга ярдәм иттек. Кабул итүдән соң без Илья һәм волонтерлар белән шәһәр буйлап йөрдек. Илья безнең белән уртаклашканча, аның саф һавада парк буйлап йөрү хыялы бар иде һәм без аның теләген тормышка ашыра алдык. Үз гуманитар миссиябез кысаларында Ильяга барып, аңа кирәкле ярдәм күрсәтәчәкбез», - дип билгеләп үтте Динар Бариев.