«XXI гасыр лидеры» Бөтенроссия конкурсы Казанда узачак
2022 елның 2 августында Казанда «Озын тәнәфес» Бөтенроссия конкурсының ярымфиналы кысаларында «XXI гасыр лидеры» Бөтенроссия конкурсы финалын әзерләү буенча уртак оештыру киңәшмәсе узды.
2002 елдан башлап Россия Федерациясендә балалар һәм яшьләр иҗтимагый берләшмәләре лидерлары һәм җитәкчеләре арасында «XXI гасыр лидеры» конкурсы гамәлгә ашырыла.
Татарстан Республикасының балалар һәм яшьләр хәрәкәте вәкилләре төрле номинацияләрдә берничә тапкыр җиңүче булдылар, ә Казан, катнашучылар, экспертлар һәм оештыручыларның сүзләре буенча, конкурсның финалы аны тормышка ашыру дәвамында үткәрелгән иң яхшы мәйданчыкларның берсе булып тора.
Шуңа да «XXI гасыр лидеры» балалар һәм яшьләр иҗтимагый берләшмәләре лидерларының иң борынгы конкурсы быел сентябрь аенда Казан шәһәрендә «Озын тәнәфес» Бөтенроссия конкурсының ярымфиналы кысаларында узачак.
Конкурста җиңүчеләр «Озын тәнәфес» Бөтенроссия конкурсы финалистлары булу һәм оештыручылар һәм партнерларыннан уникаль бүләкләр алу мөмкинлеге алачак.