Татарстанда «Геройлар иле» патриотик лагеры ачылды
Татарстанда яшьләрне патриотик рухта тәрбияләүгә юнәлдерелгән «Геройлар иле» лагере эшли башлады. Аның миссиясе-һәр катнашучының үз иленең тарихын белү, аның язмышы өчен җаваплылык тою һәм киләчәктә үз уңышларын Россиянең киләчәге белән бәйләү.
«Татарстан «Геройлар иле» бөтенроссия лагерен үзендә кабул итүгә бик шат. Бу күп кенә хәрби-патриотик һәм тарихи юнәлешләрне, төрле төбәкләрдән Җиңү волонтерларын берләштерүче мәйданчык булачак. Лагерь Татарстанда беренче тапкыр уза, без аны ел саен кабул итә торган төбәкләргә кушылабыз», - дип билгеләп үтте ТР Яшьләр эшләре министры урынбасары Алла Кондратьева.
14 көнлек «Геройлар иле» сменасының белем бирү программасы дүрт тематик трекны үз эченә ала: «Сакчылар», «Тарих сакчылары», «Җиңү волонтерлары» яки «Җиңү Медиасы». Катнашучылар гариза бирү этабында трекны сайлый алачаклар.
Россия хәрби-тарихи җәмгыяте «Мәдәният» милли проектын гамәлгә ашыру кысаларында 2019 елдан башлап «Геройлар иле» бөтенроссия хәрби-тарихи лагерьларын уздыра. Ел саен конкурс нигезендә проектта катнашучы биш төбәк сайлап алына һәм география даими рәвештә киңәя бара. 2022 елда Россия хәрби-тарихи җәмгыятенең конкурс таләпләрен бик яхшы үтәгән төбәкләр арасына Киров һәм Самара өлкәләре, Татарстан Республикасы, Мордовия һәм Удмуртия керә. Бу субъектлар Россия хәрби тарихи җәмгыяте белән килешү төзеде һәм «Геройлар иле» якындагы дүрт елга биредә узачак.
Балалар һәм яшүсмерләр өчен «Геройлар иле»нә юллама, форма комплекты һәм уку дәфтәре бушлай бирелә. Бу сәләтле укучыларга ярдәм итүнең федераль чарасы.