600ләп бала укытучылары белән бергә Кара диңгез буендагы балалар сәламәтләндерү лагерьларына ял итәргә юл тотты
600ләп бала укытучылары белән бергә Кара диңгез буендагы «Глобус», «Витязево» балалар сәламәтләндерү лагерьларына ял итәргә китте.
Бүгенге көндә Татарстаннан 5 200 бала Кара диңгез буендагы лагерьларда ял итте. Быел җәй республикада барлыгы биш мең ярымнан артык бала ял итәчәк.
Яшь татарстанлылар Краснодарның биш сәламәтлек саклау учреждениесендә - «Витязево», «Глобус», «Юбилейный» һәм Кырым Республикасының - «Сатера» һәм «Сәләт Ак Барс» үзәкләрендә савыгалар.
Балалар ялы буенча җентекле контроль оештырылган.
«Быелгы җәйге сезон янә балаларның диңгездә ял итү юнәлешенә ихтыяҗ зур булуын һәм актуальлеген күрсәтте. Шуның белән бергә, бу безгә өстәмә контроль һәм төгәл оештыру йөкли. Биредә безнең өчен балаларны йөртү, балалар белән эшләү һәм аларны диңгездә су коендыру өчен югары профессиональ кадрлар әзерләү буенча «Яшел коридорлар» оешмасы беренче планга чыга. Һичшиксез, сыйфаткда да алдан әзерлек үткән республика педагогик персоналлар билгеләнгән. Килеп туган мәсьәләләр урында 28 ел инде балаларның ялын оештыру белән шөгыльләнүче «Черноморец» республика үзәге хезмәткәрләре тарафыннан оператив рәвештә хәл ителә. Җәйге кампания нәтиҗәләре буенча без, гадәттәгечә, базалар белән бергә, нәтиҗәләр чыгарачакбыз. Балалар Казанга 3 сентябрьдә кайтачак, - дип билгеләп үтте Татарстан Яшьләр эшләре министрының беренче урынбасары Ринат Садыйков.