«Созвездие-Йолдызлык» арт-резиденциясе мәктәп театрларын оештыру программасына кушыла
Россия укучылар хәрәкәте һәм Щукин исемендәге театр институты Россия мәгариф министрлыгы ярдәмендә «Мәктәп классикасы» федераль проектын башлап җибәрде. Аның төп максаты – илдә мәктәп театрларын үстерү. Проектның төп нәтиҗәләре булып, 2024 елга кадәр Россия федерациясе мәктәп театрларын үстерү программасын эшләү һәм мәктәп укучыларының һөнәри һәм әхлакый үсеше өчен шартлар тудыру тора.
«Созвездие-Йолдызлык» арт-резиденциясе Гладилов урамы 49 йортта Алафузов театрының тарихи бинасында урнашкан. Ул ТР Президенты Рөстәм Миңнеханов ярдәме белән ике ел элек ачылды. Театр труппасына РУТИ-ГИТИС (Мәскәү), Казан театр училищесы һәм башка иҗади югары уку йортлары чыгарылыш укучылары керде.
Дмитрий Туманов хәбәр иткәнчә, яңа сезон барышында «Созвездие-Йолдызлык» арт-резиденциясе Щукин театр училищесы һәм Россия театр сәнгате институтының әйдәп баручы педагогларыннан мастер-класслар планлаштырыла.
Аерым алганда, эстрада сәнгате кафедрасының өлкән укытучысы Олег Алексеевич Хрычевтан 10 көнлек мастер-класс театр осталыгының чын квинтэссенциясе булырга вәгъдә итә. «Мәктәп классикасы» проекты кысаларында ул бөтен республика буенча мастер-класслар үткәрәчәк.
«10 көн эчендә алар актерлык буенча төп белемнәр алачаклар. Бу аларга алга таба үсеш өчен дөрес юлны күрсәтәчәк. Аларга чын Вахтанга мәктәбе һәм режиссура нигезләре биреләчәк», - дип аңлатты ул.
Дмитрий Туманов фикеренчә, «Мәктәп классикасы» - РФ Президентының бөек инициативасы. «Без театр сәнгате ярдәмендә балалар сәнгати кыйммәтләрне үзләштерсеннәр өчен проект кысаларында актив эшләячәкбез. Бу үсеп килүче буын дөрес тәрбия, туры юл алсын өчен бик әһәмиятле. Иң мөһиме: яшьләребезне тискәре күренешләрдән саклыйбыз», - диде Туманов.
Туманов билгеләп үткәнчә, хәрәкәт «Мәктәп классикасы» проекты буенча тәкъдимнәрен республиканың Мәдәният, Яшьләр һәм Мәгариф Министрларына тәкъдим итәчәк. «Арт-резиденция программага үз тәҗрибәләре, белемнәре белән кушылачак. Без үсеп килүче буынның белемнәре чиста һәм якты булсын өчен иң яхшы педагогларны тәкъдим итәчәкбез», - дип ышандырды ул.
Дмитрий Туманов ТР Президенты Рөстәм Миңнехановка арт-резиденция эшчәнлегенә ярдәме өчен рәхмәт сүзләре җиткерде. Республика җитәкчесе резиденция бинасын сафка бастырырга, яңартырга дип фәрман җиткерде.
Үз чиратында фестивальнең башкарма директоры Наталья Смирнова «Созвездие-Йолдызлык» арт-резиденциясе яңа сезонда да үз эшчәнлеген актив алып барырга планлаштырылуын әйтте. Бу спектакльләр, мюзикльләр күрсәтү, «Пушкин картасы» кысаларында чараларны тормышка ашыру, тематик концерт программалары, мастер-класслар үткәрү, һ.б. Смирнова сүзләре буенча, катнашучылар оптимизмны югалтмыйлар.
Смирнова хәбәр иткәнчә, 14 сентябрьдә икенче театр сезоны Пушкин мәдәни-күңел ачу үзәгендә «Аршин мал алан» музыкаль комедиясе белән ачылачак.
Кичә арт-резиденциянең әйдәп баручы җырчылары Кремль яр буенда РФ Дәүләт флагы көнендә катнашты. Алар арасында-халыкара фестивальләр лауреатлары Владимир Шнитко, Михаил Урецкий һәм Артур Әмиров.