Казанда «Хезмәт батырлыгы шәһәрләре» I Бөтенроссия яшьләр патриотик форумы узачак
12-14 декабрьдә Казанда «Хезмәт батырлыгы шәһәрләре» I Бөтенроссия яшьләр патриотик форумы узачак. Татарстан башкаласында хезмәт батырлыгы шәһәрләреннән төрле предприятиеләр вәкилләре җыелачак һәм патриотик эш буенча үз тәҗрибәләре белән уртаклашачак. Нәтиҗәдә, мондый 53 шәһәрнең предприятиеләренә җибәреләчәк тәкъдимнәр белән резолюция булачак. Бу хакта «Татар-информ»да узган матбугат конференциясендә ТР Яшьләр эшләре министры урынбасары Алла Кондратьева хәбәр итте.
«Хезмәт батырлыгы шәһәре» форумында яшьләр үз шәһәрләренең батырлыгы турында сөйләп китә алачак. Яшьләргә хезмәт тәрбиясе биргәндә хезмәт батырлыгын мәңгеләштерү аеруча мөһим икәнен аңлыйбыз. Хәзерге вакытта без илнең 13 төбәгеннән кунаклар көтәбез», - диде спикер.
Форумда Бөек Ватан сугышы елларында шәһәрләрнең хезмәт батырлыкларына багышланган күргәзмә әзерләнәчәк. Кунаклар панель дискуссияләрдә, түгәрәк өстәлләрдә катнашачаклар һәм Татарстан предприятиеләре буенча экскурсияләрдә булачаклар, дип өстәде «Татарстан Республикасы предприятиеләренең һәм оешмаларының яшьләр берлеге» РОО советы рәисе Айдар Сәгытдинов.
Форумдагы эш нәтиҗәләре буенча катнашучылар илнең төрле предприятиеләрендә патриотик эшнең иң яхшы тәҗрибәләре керәчәк резолюция төзиячәкләр. Форумның максаты-эшләүче яшьләр белән бу юнәлеш буенча оптималь эш формаларын эзләү.
«Эшче өчен бу чыннан да әһәмиятле булсын өчен, предприятие батырлыгын мәңгеләштерү ысулын табу мөһим. Бу музей яки фотолар булырга мөмкин. Предприятие тарихы, һичшиксез, предприятиенең корпоратив культурасына йогынты ясый һәм яшьләрнең эш урыннарының тарихын белүләре әһәмияткә ия», - дип нәтиҗә ясады Алла Кондратьева.