«Кар кызы каникуллары» спектаклен дүрт меңнән артык тамашачы карады
«Созвездие-Йолдызлык» Арт-резиденциясе балалар өчен «Кар кызы каникуллары» күргәзмәсен тәмамлады. Бу юлы театр Рамеев исемендәге IT-паркта һәм Пушкин исемендәге мәдәни үзәктә янәдән тамашачы йөрәген яулады.
Моннан тыш, сәнгать резиденциясе артистлары Алексеевск районында Кар Кызы һәм аның яңа дусты- Үлемсез Кощей оныклары маҗараларын күрсәтте.
Казан тамашаларында башкала халкы гына түгел, Югары Ослан, Кама Тамагы, Биектау, Менделеевск, Яңа Чишмә районнары балалары да булды. «Созвездие-Йолдызлык» Арт-резиденциясенең кунаклары буларак шәһәрнең Киров һәм Мәскәү районнарының мобилизацияләнгән балалары чакырылды.
«Кар кызы каникуллары» спектакле Росгвардиянең 3730 хәрби частендә эшләүче балалар өчен дә Яңа ел бүләге булды.
Бу сезонда «Кар кызы каникуллары» интерактив тамашасын дүрт меңнән артык бала һәм аларның әти-әниләре бәяләде.
Шакировлар гаиләсе театр турында ишетеп кенә белми. Аделиянең әнисе һәм әтисе Марат элек театр диварларында «Аршин мал алан» спектаклендә булганнар.
Тамашачылар арасында «Созвездие-Йолдызлык» театры белән таныш булмаганнар да бар иде. Ләкин хәзер киләсе спектакльгә нинди театрда билетлар булачагын төгәл беләләр.
«Мине һәм улымны монда дустым чакырды. Мин «Созвездие-Йолдызлык» фестиваль хәрәкәте турында ишеттем, әмма анда тәрбияләнүчеләрнең шундый искиткеч театрга нигез салуларын белми идем. Кайчагында улымны смартфоннан аеру бик кыен була, ә монда ул аның барлыгын сәгать ярымга онытты. Чыннан да җанлы тамаша, матур костюмнар һәм артистларның яхшы уены үз эшен башкарды. Улым монда берәрсе белән дуслашырга өлгергән дә кебек әле»,-дип хисләре белән уртаклашты Татьяна Киселева.
Бүген «Созвездие-Йолдызлык» Арт-резиденциясе яңа спектакль премьерасы – «Кызлар-гүзәлләр» музыкаль комедиясенә әзерләнә. Аның беренче куелышы 11 гыйнварда Пушкин исемендәге мәдәни үзәктә көтелә.