Кышкы каникулларда Татарстан лагерьларында 5 меңнән артык бала ял итте
2023 елгы сәламәтләндерү кампаниясенең кышкы каникул чорында Татарстанның 21 районында 60 сәламәтләндерү оешмасында 36 шәһәр яны сәламәтләндерү учреждениесендә һәм 24 лагерьда 5 меңнән арты бала, шул исәптән мобилизацияләнгән гаиләләрдән 38 бала ял итте.
«Ел саен без беренче чиратта һәр баланың иминлегенә басым ясыйбыз, әмма эчтәлекле өлешен – программаларны да игътибар белән эшлибез. Барлыгы 42 смена үткәрелде, шул исәптән иҗади, гражданлык-патриотик, спорт-сәламәтләндерү, социаль-педагогик һәм туристлык-туган якны өйрәнү юнәлешләре. Кышкы каникул чорында эшләгән барлык лагерьларга Роспотребнадзорның санитар эпидемиологик нәтиҗә бирелде һәм Татарстан Республикасы территориясендә урнашкан барлык ял формалары оешмалары реестрында торды», - дип билгеләп үтте Татарстан Яшьләр эшләре министры Ринат Садыйков.
Сменалар кысаларында балаларга патриотик һәм рухи тәрбия бирүгә, сәламәт яшәү рәвешенә гадәт формалаштыруга, милли мәдәниятләр һәм гореф-гадәтләр елына багышланган чаралар үткәрелде.