«Патриот» республика үзәге» «Ватанны саклаучыга хат» бөтенроссия яшьләр акциясенә кушылды

2023 елның 13 феврале, дүшәмбе

«Авангард» хәрби хезмәте нигезләре буенча республика җыеннарында катнашучылар «Ватанны саклаучыга хат» бөтенроссия яшьләр акциясенә кушылды. Исегезгә төшерәбез, җыеннар «Патриот» республика яшьләрне спорт-патриотик һәм армиягә кадәр әзерләү үзәге базасында уза.

Балалар хәзер хәрби хәрәкәтләр зонасында булган хәрби хезмәткәрләргә ярдәм һәм рәхмәт сүзләре белән ихлас котлаулар яздылар, тизрәк өйләренә кайтуларын теләделәр. Барлыгы 254 хат язылды һәм Татарстан Республикасы Хәрби комиссариатына тапшырылды.

«Ватанны саклаучыга хат»  бөтенроссия яшьләр акциясе 2023 елның 1-15 февралендә Бөтен ил буйлап уза.