«Сәләт-Батыр» яшьләр иҗтимагый үзәге проектларын Сбербанк ярдәмендә тормышка ашырачак
«Сәләт-Батыр» төбәкара яшьләр иҗтимагый үзәге, Сбер һәм Чуаш Республикасының Территориаль учреждениесе урнашкан Батыр муниципаль округы хезмәттәшлек турында килешү төзеде. «Сәләт-Батыр» үзәге- ул яңа белем бирү, мәгълүмати-коммуникацион, гуманитар технологияләрне җәлеп итү, эшкәртү һәм гамәлгә кертү төбәкара киңлеге.
Үзәк территориясендә заманча аудиторияләр, рекреацияләр, медиа хезмәтләр өчен урыннар, тавыш яздыру студиясе, спорт һәм бию мәйданчыклары, шулай ук заманча ял итү урыннары каралган.
Олеся Лебедева, HR-Саклык банкы ҖАҖнең Идел-Нократ банкы директоры:
«Сбербанк даими рәвештә Саклык банкының Идел-Нократ банкы территориясендә заманча белем бирү үзәкләре белән хезмәттәшлек итүнең яңа гадәти булмаган форматларын эзли. Имзаланган килешү безгә «Сәләт – Батыр» белем бирү сменаларында катнашучы балаларның яңа компетенцияләрен бергәләп үстерергә мөмкинлек бирәчәк. Без Сбербанкның киләчәк буынның мәгарифенә һәм финанс грамоталылыгын үстерүгә керткән социаль өлеше Чуашстаннан гына түгел, якындагы төбәкләрдән дә балалар һәм аларның әти-әниләре өчен дә лаеклы бүләк булыр дип ышанабыз».
Җәлил Сөләйманов, «Сәләт-Батыр» яшьләр үзәге директоры:
«Хәзер Сбер белән берлектә без хезмәттәшлекне үстерү буенча юл картасын төзибез. Банк һәм администрация белгечләренең өстәмә дәресләр, финанс грамоталылыгы дәресләре, шулай ук мәдәни һәм спорт чараларын үткәрүдә катнашуы күздә тотыла».
Рудольф Селиванов, Батыр муниципаль округы башлыгы:
«Безнең муниципаль округның эре корпорацияләр өчен кызыклы булуына шатбыз, алар мәгарифне төрле яклап үстерү һәм балаларга иҗади тәрбия бирү перспективасын күрәләр. Без, үз чиратыбызда, уку өчен иң заманча һәм уңайлы шартлар тудырабыз. Батыр үзәге территориясендә «Сәләт-Батыр» кебек заманча үзәкнең барлыкка килүе безнең кечкенә шәһәрләребез һәм авылларыбыздагы яшьләр өчен алдынгы өлкәдә белем һәм тәҗрибә туплау өчен менә дигән мөмкинлек».
Үзәк базасында ел әйләнәсендә төрле юнәлешләр буенча укулар узачак, партнерлар белән берлектә мәдәни-агарту чаралары үткәрү планлаштырыла. Милли телләрне үстерүгә зур игътибар биреләчәк - «Сәләт-Батыр» Чуаш Республикасының гына түгел, күрше төбәкләрнең барлык конфессияләре һәм халыклары өчен аралашу чарасы булачак.