Татарстан яшьләре мобилизацияләнгәннәргә «Кире кайтырга вәгъдә итәм» акциясен башлап җибәрде
Татарстан яшьләре мобилизацияләнгәннәргә «Кире кайтырга вәгъдә итәм» акциясен башлап җибәрде. Әлеге идеяне РФ Федераль Җыенының Дәүләт Думасы депутаты Татьяна Лионова хуплады.
Акциянең асылы безнең сугышчыларга җиләкле кайнатма банкаларын һәм «Кире кайтырга вәгъдә итәм» дигән балалар открыткаларын җибәрү.
«Балачакта әбиебез яки әниебез безгә ризыклар биргәндә, һичшиксез, банканы кире кайтаруларын сораганнарын онытмагыз. Бу рекламада бик тирән мәгънә. Сугышчыларны өй һәм гаилә турында якты уйлар белән «Җылытырга», аларны туган илендә исән-сау көтеп торган һәркемнең мәхәббәтен һәм кайгыртучанлыгын тапшырырга кирәк. Аларны ничек яратулары һәм көтүләре турында искә төшереп узу, сугышчыларның Ватан алдындагы бурычларын геройларча үтәүләре өчен рәхмәт белдерү», - дип билгеләп үтте ТР Яшьләр эшләре министры урынбасары Софья Мостафина.
Акциягә Татарстан Яшьләр эшләре министрлыгы, барлык муниципаль районнар, студентлар, мәктәп укучылары һәм хәтта балалар бакчаларында тәрбияләнүчеләр дә кушылды. Барысы да яшьләр идеясен бик актив хуплый. Бүгенге көнгә 10000дән артык варенье белән гуманитар ярдәм штабына җыелды һәм тапшырылды.