Казанда 8 мартта RE'ACTOR резидентыннан хатын-кызлар турында хикәяләр белән фотокүргәзмә ачылачак
8-22 март көннәрендә Kazanmall сәүдә үзәгендә фотограф Катерина Евтихованың «RE'ACTOR» арт-резиденциясе ярдәме белән оештырылган күргәзмәсе узачак. Һәр фото сериясе төрле, кабатланмас хатын-кызларның кечкенә тарихларын сөйли. Бу күргәзмә хатын-кыз шәхесенең көче, яктылыгы һәм матурлыгы турында.
«Быел арт-резиденция эшчәнлеге кысаларында безнең проектлардан тыш, резидентларга, аларның иҗатына һәм инициативаларына зур игътибар биреләчәк. Әлеге күргәзмә – шул мисалларның берсе булып тора»,-дип билгеләп үтә «RE'ACTOR» арт-резиденциясе җитәкчесе Кәдрия Бугрова.
8 март көнне көндезге сәгать 12дән 15кә кадәр «Kazan Mall» сәүдә үзәге холлының 2 нче катында фотограф белән диалог форматында күргәзмә ачылачак һәм «Чәчәкләр телим» чәчәкләр киңлегеннән тере чәчәкләр белән һәр кыз өчен экспресс фотосурәт төшереләчәк.
Исегезгә төшерәбез, 2021 елдан Казанда RE'ACTOR арт-резиденцияләренең төбәк челтәрен үстерү программасы эшли, аның кысаларында иҗат эшлеклеләренә ярдәм итү буенча белем бирү программасы эшли башлады.
Ике ел нәтиҗәләре буенча программада 300дән артык кеше катнаша, шуларның 55е арт-резиденция резидентлары була.