Татарстан районнарында иреклелек оешмаларына ярдәм итү республика конкурсының гаризалар бирү кампаниясе башланды
Иреклелекне үстерүче Татарстан районнарындагы оешмаларга ярдәм итүгә юнәлдерелгән «Игелек җире» республика конкурсының гаризалар бирү кампаниясе старт алды. Гаризаны 17 мартка кадәр бирергә мөмкин.
«Конкурс 2020 елдан бирле үткәрелә, бу вакыт эчендә 26 килешү имзаланды. Күпьеллык эш безне муниципаль волонтерлык үзәкләренең җәлеп итү үзәкләренә әйләнүенә китерә. Бу атмосфераны, һичшиксез, кешеләр тудыра, ә без аларга барлык ниятләнгәннәрне тормышка ашыру өчен ресурслар белән ярдәм итәргә тырышабыз», - дип билгеләп үтте «Татарстан Республикасы иреклелек мәгълүмати-ресурс үзәге» коммерцияле булмаган автоном оешмасының башкарма директоры Айрат Мөбарәкшин.
Конкурста катнашу өчен Татарстан Республикасының һәр муниципаль берәмлегеннән район территориясендә иреклелекне (волонтерлыкны) үстерүгә юнәлдерелгән һәм иреклелекне үстерү өчен җаваплы булган чаралар комплексын гамәлгә ашыручы бер юридик яктан теркәлгән оешма (учреждение) чакырыла.
Конкурста җиңүчеләр аларга ресурс ярдәме күрсәтүгә, тулыландыруга яки волонтерлар өчен урын булдыруга дәгъва итә алачак. Шулай ук «ТР Иреклелек мәгълүмати-ресурс үзәге» коммерцияле булмаган автоном оешмасы, һәр муниципаль районның Башкарма комитеты һәм ирекле эшчәнлек алып баручы оешма арасында өч яклы килешүләр төзү дәвам итәчәк.
Конкурсны үткәрү этаплары:
Гариза кампаниясе: 2023 елның 17 мартына кадәр;
Читтән торып катнашу этабы: 2023 елның 20-31 марты;
Турыдан-туры катнашу этабы: 2023 елның 10 апреленнән 14 апреленә кадәр;
Йомгак ясау (даталар өстәмә хәбәр ителәчәк).
Конкурсның Нигезләмәсе белән «ТР Иреклелекнең мәгълүмати-ресурс үзәге» автоном коммерцияле булмаган оешма сайтында танышырга мөмкин.
Конкурс Татарстан Республикасы Яшьләр эшләре министрлыгы ярдәме белән «Татарстан Республикасы иреклелек мәгълүмати-ресурс үзәге» тарафыннан оештырыла.