Ашханә остаханәсе, тренажер зал, тавыш яздыру студиясе: 2023 елда Татарстанның дүрт районында дүрт яшүсмерләр клубы капиталь ремонт алачак
«2023 елда Татарстанның яшүсмерләр клубларына капиталь ремонт программасы дәвам итә. Быел дүрт яшүсмерләр клубында капиталь ремонт узачак. Бу максатлар өчен 100 млн сумга якын акча бүлеп бирелгән», - дип билгеләп үтте Татарстан Яшьләр эшләре министры Ринат Садыйков.
Нурлат, Әлки һәм Ютазы районнарында беренче яшүсмерләр клублары барлыкка киләчәк. Шулай ук капиталь ремонттан соң Әлмәт районында тагын бер клуб ачылачак.
Нурлат районының «Мирас» яшьләр (яшүсмерләр) клубында иҗат кичәләре үткәрү, милли ризыклар әзерләү өчен ашханә остаханәсе, гитарачылар очрашуын үткәрү, фильмнар карау өчен коворкинг, ком белән рәсем ясау, гуашь белән мастер-класслар уздыру өчен арт – мастерская барлыкка киләчәк.
Ютазы районының «Атлант» яшьләр (яшүсмерләр) клубында ремонттан соң мондый юнәлешләр эшләячәк: блогерлар клубы, киберспорт, тавыш яздыру студиясе, медиаүзәк, ачык һавада леторийлар үткәрү өчен җәйге терраса.
Әлки районының «Актай» яшүсмерләр клубы яшьләр хокук саклау хәрәкәтен үстерүгә, шулай ук студент һәм эшче яшьләр арасында гражданлык һәм патриотизм тәрбияләүгә юнәлдереләчәк.
Түбән Мактама шәһәр тибындагы бистәсендә урнашкан Әлмәт районының «Родничок» яшьләр (яшүсмерләр) клубында яңартылган спорт һәм тренажер заллары барлыкка киләчәк, алар күп функцияле җиһазлар белән җиһазландырылачак, бу тәрбияләнүчеләрнең югары спорт нәтиҗәләренә ирешү өчен мөмкинлек бирәчәк.
Яшел Үзән, Чаллы һәм Казанның тагын биш яшүсмерләр клубында проект эшләре һәм концепцияне эшләү бара.
«Яшүсмерне актив эшчәнлеккә җәлеп итү мөһим. Мондый мәйданчыклар күбрәк булган саен, яшүсмернең урамда югалып калуы яки җимергеч компанияләргә эләгү мөмкинлеге дә әзрәк була. Татарстанда яшьләр (яшүсмерләр) клубларының зур челтәре бар. Бүгенге көндә республиканың 29 шәһәрендә һәм районында 227 клуб эшли. Капиталь ремонт үткәрү һәм матди базаны ныгыту яшүсмерләр клубларын җиһазландырырга һәм төрле юнәлештәге чаралар үткәрү өчен заманча базалар булдырырга мөмкинлек бирә, бу гомумән республиканың яшүсмерләр клубларының нәтиҗәлелеген арттырырга мөмкинлек бирә. Һәр проектта күп функцияле киңлекләр булдыруга басым ясала, анда һәр квадрат метр үз максаты буенча кулланыла. Яшүсмерләр өчен дәресләр бушлай үтә», - дип ассызыклады министр.