Татарстан югары уку йортларының тәрбия эше буенча проректорлары округ семинар-киңәшмәсендә катнаштылар
Түбән Новгородта Р.Е. Алексеев исемендәге Түбән Новгород дәүләт техник университеты базасында Идел буе федераль округы вузларында яшьләр сәясәте һәм тәрбия эшчәнлеге өчен җаваплы проректорлар һәм дәүләт яшьләр сәясәте мәсьәләләрен координацияләүче округ Федерациясе субъектларының башкарма хакимият органнары вәкилләре белән семинар-киңәшмә узды. Чарада ТР Яшьләр эшләре министрының беренче урынбасары Софья Мостафина да катнашты.
Семинар-киңәшмә кысаларында Россия Федерациясе Фән һәм югары белем министры урынбасары Ога Петрова, яшьләр эшләре буенча Федераль агентлык җитәкчесе киңәшчесе Егор Литвиненко, Россия Федерациясе Президентының Идел буе федераль округындагы Тулы вәкаләтле вәкиле урынбасары Олег Машковцев катнашында дискуссия мәйданчыклары узды.
Чараның төп максаты-югары белем бирү өлкәсендә яшьләр сәясәте юнәлешендә университетларны стратегик үстерүгә юнәлдерелгән яңа экосистема формалаштыру өчен шартлар тудыру. Бу мәсьәләдә үз университетларында бу юнәлешне күзәтүче проректорларга аерым роль бирелә. Аларга югары уку йортларын үстерү программаларын яки «Приоритет 2030» стратегик программасын тормышка ашыру кысаларында яшьләр сәясәтенең мәгариф, фәнни-технологик, кампус сәясәте һәм университетлар эшчәнлегенең башка юнәлешләре белән бәйләнешен билгеләүгә, студентларда уку, карьера һәм гаилә кыйммәтләрен формалаштыруда проблемалы кыр эзләүгә, университетларның мәктәп укучылары, абитуриентлар һәм яшь белгечләр белән эшләүнең яңа инструментларын эшләүгә игътибар бирергә туры киләчәк.