2023 елның августында Иннополиста беренче Халыкара яшьләр лагеры узачак
Бүген, 18 майда, KazanForum Халыкара икътисади форумында Россия һәм Халыкара яшьләр оешмалары лидерлары һәм җитәкчеләре балалар яшьләр сәясәте өлкәсендә хезмәттәшлек турында килешүләр имзаладылар. Республиканың яшьләр лагеренда ИХО илләреннән, Татарстаннан һәм Россиянең башка төбәкләреннән 200 яшүсмер катнашачак.
Лагерьның беренче сменасы быел август аенда Иннополиста планлаштырылган. Анда 14-18 яшьлек яшүсмерләр һәм яшьләр катнашачак. Лагерьга кушылу өчен чит телне B2 дәрәҗәсеннән .югары белү сорала.
Халыкара лагерьның беренче сменасын тематик итү планлаштырыла. Ул берьюлы биш юнәлештә барачак. Бу мәдәният һәм сәнгать, дипломатия, медиа, туризм һәм тотрыклы үсеш максатлары.
Катнашучылар 20 кешелек биш отрядка бүленәчәк, аларның һәрберсендә барлык ил вәкилләре җыелачак. Алар бергәләп иҗади номерлар һәм алга таба аралашу проектлары булдырачаклар. Татарстан һәм Россия мәдәнияте белән танышу республиканың тарихи урыннары буенча экскурсияләр рәвешендә узачак. Ә чит ил кунаклары үз илләрен башка интерактив форматларда тәкъдим итәчәк. Медиа юнәлеше буенча үз газетасын чыгару, репортажлар һәм фото - һәм видео-челленджлар үткәрү планлаштырыла.
Сменада катнашу өчен, будьвдвижении.рф сайтында теркәлергә һәм үзең турында форма тутырырга кирәк булачак. Барлык мәгъләмат тиздән Татарстанда «Беренчеләр хәрәкәте» социаль челтәрләрендә булачак.
Киләчәктә даими нигездә Халыкара лагерьда ел дәвамында «Умей дружить» трегы буенча «Мәктәп дипломатия клублары»проектында үзләрен актив күрсәткән балалар һәм яшүсмерләр катнашачак. Ә ИХО илләреннән партнер-оешмалар халыкара мөнәсәбәтләргә кызыксынулары һәм халыкара элемтәләрне үстерү теләге булган 8-12 катнашучыны сайлап алачак.
Халыкара яшьләр лагерен оештыручылар - Яшьләр дипломатиясе академиясе, яшьләр оешмалары һәм ОИС илләренең яшьләр эшләре буенча ведомстволары белән партнерлыкта «Беренчеләр хәрәкәте» Россия балалар һәм яшьләр хәрәкәте.