Татарстанлы Россия һәм Әзербайҗанның III яшьләр инициативалары форумында катнашты
Youth Ambassadors 6.0 Татарстан конкурсында җиңүче Искәндәр Сәфәров Мингечевир шәһәрендә Россия һәм Әзербайҗанның III яшьләр инициативалары форумында катнашты.
«Мингечевирда узган Өченче Россия-Әзербайҗан форумында катнашу мөмкинлеге өчен Яшьләр дипломатиясе академиясе командасына тирән рәхмәт белдерәсем килә. Youth Ambassadors 6.0 конкурсында мин дипломатик этикет турында, Халыкара мөнәсәбәтләр турында күп файдалы мәгълүмат алдым һәм бу белемнәрне Әзербайҗанда практикада кулландым. Бу онытылмаслык һәм уникаль сәяхәт булды, ул минем хәтердә бик күп якты тәэсирләр һәм уңай эмоцияләр калдырды», - дип билгеләп үтте Искәндәр Сәфәров.
Ике илнең 100 яшь вәкиле инициативалар өстендә бергә эшләде, Россия Фән һәм югары белем министры урынбасары Константин Могилевский һәм Әзербайҗан Республикасы яшьләр һәм спорт министры урынбасары Индира Гаджиева белән пленар сессиядә катнашты, шулай ук Мингечевир шәһәрендәге яшьләр йортында булды.
Өченче форум нәтиҗәләре булып алга таба социаль һәм мәдәни хезмәттәшлек, бердәм кыйммәтләр формалаштыру, шулай ук илләр арасындагы үзара бәйләнешләрне киңәйтү турында килешүләр тора.
Форумда катнашучылар шулай ук Азәрбайҗанның Мингечевир, Гәнҗә һәм Шәки шәһәрләрендә булдылар, анда ил мәдәнияте белән якыннан таныша алдылар.
Исегезгә төшерәбез, «Яшь дипломатлар/Youth Ambassadors» конкурсы ел саен Казанда Яшьләр дипломатиясе академиясе тарафыннан үткәрелә. Бу вакыт эчендә 2017 елдан башлап конкурс аша йөзләгән якты һәм талантлы егетләр үтте. Белем бирү программасының 6 этабының һәрберсендә катнашучылар беркетмә, сөйләшүләр алып бару, дипломатик этикет өлкәсендә эшләүче экспертлардан уникаль белем алалар, шулай ук Татарстан Республикасының инвестицион, туристик һәм экспорт потенциалы белән танышалар. Берничә этап чит телләрдә уза, бу тел практикасын алырга һәм киләчәктә халыкара проектларда эшләү өчен студентлар пулын формалаштырырга мөмкинлек бирә.
Гамәли биремнәр өчен иң күп балл җыйган Команда конкурс нәтиҗәләре буенча чит илләрдә Халыкара яшьләр чарасында катнашу хокукы ала.