Россиядә беренче ресурслы Игелек.Үзәк Татарстанда барлыкка киләчәк
Игелек.Үзәк федераль франшизасының операторы Татарстанда «Ресурслы Игелек.Үзәк.» сыйфатында Татарстан Республикасы иреклеләр мәгълүмати-ресурс үзәге булып торачак. Ул илдә беренче булачак.
«Ресурслы Игелек.Үзәк.» статусы ярдәмендә без республикада волонтерлык өлкәсенең әһәмиятен, гражданнарның волонтерлык эшчәнлегендә катнашу мөмкинлеген, ирекле эшчәнлеккә җәлеп ителгән гражданнар санын арттырачакбыз, шулай ук актив гражданнарны социаль проблемаларны хәл итүгә юнәлдерелгән эшчәнлеккә җәлеп итү өчен шартлар тудырачакбыз. Волонтерлык үзәкләре ассоциациясе белән берлектә без хәзерге проектларыбызны үстерергә һәм Татарстанда иреклелекне үстерү буенча яңа планнар төзергә планлаштырабыз», — дип билгеләп үтте «ТР Иреклеләр мәгълүмати-ресурс үзәге» коммерцияле булмаган автоном оешмасының башкарма директоры Айрат Мөбарәкшин.
Иреклеләр ресурс үзәге-оешмаларга һәм гражданнарга ирекле эшчәнлек өлкәсендә оештыру, консультация, методик хезмәтләр комплексын субъектның социаль-икътисади үсеше бурычларына ярашлы рәвештә һәм халыкның җәмгыятькә файдалы мәшгульлеген арттыру һәм ирекле ресурслардан нәтиҗәле файдалану максатыннан гамәлгә ашыручы һөнәри оешма.
«Ресурслы Игелек.Үзәк.» Мәгариф милли проектының социаль активлык төбәк проекты кысаларында төзелә.