Кырымда «Сәләт-Ак Барс» яшьләр үзәгендә беренче профильле смена старт алды
Кырымда «Сәләт - Ак Барс» яшьләр үзәге базасында Татарстан, Мәскәү, Кырым, Төмән, Ульяновск һәм Санкт-Петербург балалары өчен беренче профильле смена старт алды. Лагерьга барлыгы 160тан артык бала килгән.
«Безнең һәр сменаның программасы шундый итеп формалаштырылган ки, катнашучыларның буш вакыты юк диярлек, чөнки белем бирү программасы һәм лагерьның башка активлыклары арасындагы тәнәфесләрдә балалар кичке чараларга әзерләнәләр, анда алар үз талантларын күрсәтәләр һәм ачалар», - дип билгеләп үтте лагерь директоры урынбасары Булат Гайнетдинов.
Смена программасында катнашучыларның сәләтләрен ачуга юнәлдерелгән белем бирү сессияләре, һөнәри пробалар лабораторияләре, мәдәни һәм спорт чаралары планлаштырылган. Балалар актерлык осталыгы дөньясына чума, социаль челтәрләрдә профильләр алып барырга өйрәнә, интеллектуаль уеннар мәсьәләләрен тикшерә, халык алдында чыгыш ясау, тайм-менеджмент һәм сөйләшүләр күнекмәләрен ала, шулай ук вокал техникасын өйрәнә һәм эшкәртә. Шул исәптән, мәдәни-массакүләм чаралар һәм көндезге активлыклар уза.
Быел «Сәләт - Ак Барс» базасында тагын өч профильле смена узачак - 26 июньнән 15 июльгә кадәр, 13 июльдән 1 августка кадәр һәм 31 июльдән 19 августка кадәр. Сменаларга гаризаны сылтама буенча бирергә мөмкин.