«Созвездие-Йолдызлык» Арт-резиденциясе беренче тапкыр Булак театры сәхнәсендә чыгыш ясаячак
29 һәм 30 июнь көннәрендә «Созвездие-Йолдызлык» Арт-резиденциясе труппасы Булактагы Казан Яшьләр театры сәхнәсендә чыгыш ясаячак. Артистлар Әзербайҗан композиторы Узеир Гаджибековның «Аршин мал алан» музыкаль комедиясен тәкъдим итәчәк.
«Созвездие-Йолдызлык» театры труппасы өчен Булактагы театр сәхнәсенә чыгу беренчесе булачак. Ике Яшьләр театрының иҗади хезмәттәшлеге быел башында узган һәвәскәрләр футбол матчы хисабына ныгыды.
«Булак театры» диварларында күрсәтеләчәк спектакльне сайлау очраклы түгел. Йөз елдан артык элек язылган әсәрнең уңышы сере, авторның чын тормыштан алган тапкыр сюжетында. Монда төп геройларның сөйкемлелеге, мәхәббәт, традицияләр һәм милли колорит кискен катнаша.
Көнчыгышта борынгы традиция буенча ата-аналар үз балаларына булачак хатыннарын яки ирләрен үзләре сайлаганнар. Яңа өйләнешкәннәр, кагыйдә буларак, туйда гына танышканнар.
Сюжет буенча мондый хәл тарихның яшь һәм кыю төп геройларын – бай сәүдәгәр Әскерне һәм Солтан-Бәк кызы Гүзәл Гөлчәһрәне канәгатьләндерми. Алар мәхәббәт хакына иске традициягә каршы баралар.
«Аршин мал алан» музыкаль комедиясе РФнең атказанган сәнгать эшлеклесе, Щукин исемендәге театр институтының режиссура кафедрасы мөдире, режиссер — куючы Михаил Борисов куелышының адаптацияләнгән версиясе. Арт-резиденция репертуарында ул театрның баш режиссеры Александр Туманов ярдәмендә барлыкка килә.
«Аршин мал алан» Вахтанг мәктәбенең иң яхшы традицияләрендә куелган. Спектакльдә сихер, мистерия һәм чынбарлыкка урын табылды.
Күрсәтүләр 19.00 сәгатьтә башлана.