RE’ACTOR резиденты, җырчы Дышать татар хип-хопын сирәк очрый торган музыка коралына яздырган
RE’ACTOR резиденты, Дышать исемле башкаручы татар телендә «Шулай» җырына яңа клип чыгарды. Хип-хоп стилендәге трек сирәк очрый торган көнчыгыш инструменты – саз көйләре нигезендә яздырылган.
«Шулай» - йөрәк чакыруына буйсынырга чакыру. Без татар колоритын драйв һәм хип-хоп энергиясе белән бәйләдек. Саз тавышлары үзенчәлекле атмосфера өстәде. Бу инструментны бездә табуы кыен, шуңа күрә без көйне Әзербайҗан башкаласында, Бакуда яздыра башладык, ә җырны Татарстанда тәмамладык. Музыка гына түгел, башкару да күпмилләтле булды. «Шулай» татар, рус һәм Азәрбайҗан тавышлары белән яңгырый, дип сөйләде башкаручы.
Хип-хоп башкаручыларның массакүләм биюе клипка динамика өсти, ә музыкасы куе бас һәм җырчының үзенчәлекле тавышы аркасында тирәнлек белән аерылып тора, дип билгеләп үтә клипны төзүчеләр.
Клип RE’ACTOR Арт-резиденциясе ярдәме белән эшләнгән. Арт-резиденция 2021 елдан Татарстанда креатив индустрияләр үсешенә ярдәм итә.
Клип ВКонтакте, Телеграм, YouTube мәйданчыкларында тәкъдим ителгән.
«Шулай» трегы Яндекс.Музыка, ВК музыка музыкаль платформаларында бар.