Татарстанда Россиядә беренче тапкыр «Алдынгылар хәрәкәте»нә багышлау узды
8-12 август көннәрендә Биләр шәһәрендә масштаблы форум узды, анда республиканың барлык районнарыннан хәрәкәтнең 1000 катнашучысы һәм остазы җыелды. 11 августта биредә Россиядә беренче тапкыр «Алдынгылар хәрәкәте»нә багышлау узды.
Беренче катнашучылар булып республиканың барлык районнарыннан хәрәкәтнең җирле бүлекчәләренең остазлары – әйдаманнар һәм кураторлары булды. Алар үз чиратында форумда катнашучыларны хәрәкәткә багышладылар-бу бөтен Татарстаннан 800 бала һәм яшүсмер.
Багышлау ТР рәисе ярдәмчесе, Татарстанда «Алдынгылар хәрәкәте»нең төбәк бүлеге җитәкчесе Тимур Сөләймановның үгет-нәсихәтеннән башланды. Шуннан соң әйдаманнар отрядлар белән бергә бердәм миссия һәм кыйммәтләр белән берләштерелгән ышаныч даирәләренә күтәреләләр. Шуннан бер-берсенә вәгъдә бирделәр:
Мин, / исеме, фамилиясе/,«Алдынгылар хәрәкәте»нең кыйммәтләрен һәм миссиясен уртаклашып,
мин кечеләргә үрнәк һәм олыларга таяныч булырга вәгъдә итәм,
Вәгъдә итәм!
белемгә омтылуда һәм тирә юньдәгеләрне хөрмәт итүдә үсәргә һәм камилләшергә вәгъдә итәм,
Вәгъдә итәм!
буыннар хәтерен сакларга, яраткан Ватаным һәм бөтен җәмгыять файдасына гамәлләр кылырга, эшләргә һәм төзергә вәгъдә итәм.
Вәгъдә итәм!
Мин хәрәкәттә,
Без хәрәкәттә!
Без хәрәкәттә,
Һәрвакыт хәрәкәттә!
Безде көч, безде Дәрт!
Хәрәкәттә-бәрәкәт!
Остазлар һәр катнашучыга «Алдынгылар хәрәкәте» символларын – күкрәк тамгаларын һәм беләзекләрен тапшырдылар. Беләзекләр команданың бердәмлеген һәм дуслыгын, шулай ук хәрәкәт катнашучыларын берләштерүче бәйләнешне символлаштыра.
Тантана ахырында Россия һәм Татарстан гимннары яңгырады, ә аннары катнашучылар Татарстанда яраткан «Алдынгылар хәрәкәте»нең бию флешмобын башкардылар.