Татарстан балалары Яңа елны «Форос»та каршылады
Декабрь ахырында Форостагы «Сәләт - Ак Барс» базасында катнашучыларның билгеле бер күнекмәләрен үстерүгә юнәлдерелгән «Офык.Кышлау» профильле сменасы старт алды: балалар вокал, актерлык осталыгы, сәхнә сөйләме белән шөгыльләнделәр, тамашачылар алдында чыгыш ясау күнекмәләренә ия булдылар. Татарстан балалары Казанга 9 гыйнварда «Симферополь - Казан 2» уңайлы поездында кайттылар.
«Беренче чиратта, әти - әниләргә рәхмәт белдерәсем килә, яңа ел гаилә бәйрәме булуга карамастан, алар үз балаларын тыңладылар һәм аларга бәйрәмне дуслар арасында каршы алырга рөхсәт иттеләр. Әйе, кышкы сменага бездә беренче тапкыр гына булмаган һәм аларга «Сәләт» атмосферасын тагын бер тапкыр тою теләге булган балалар килде, - дип аңлатма бирде смена директоры Ләйсән Низамова.
Лагерьда булган вакытта балалар интеллектуаль уеннарда катнашалар, fashion-күрсәтүләр ясыйлар, театральләштерелгән спектакльләр куялар, музыкаль кичәләрдә чыгыш ясыйлар, шулай ук алар өчен педагоглар һәм остазлар белән мотивацион очрашулар үткәрелә.
«Мин балалар лагерьларында беренче тапкыр ял итмим. Тик монда барысы да башкача, «Сәләт - Ак Барс»та бик шәп! Барысы да яңа, чиста. Программа төрле, шуңа күрә дуслар табу җиңел. Сменаның шулкадәр тиз тәмамлануы бик кызганыч», - дип хисләре белән уртаклаша Азнакайдан Шамил.
«Лагерьда шундый ачык балалар бар. Барысы да аралашырга омтыла. Иң истә калганы Яңа ел төне булды, без барыбыз да дулкынландык. Барлык балалар да процесста катнашырга тырыштылар. Тәмле кичке аштан соң бездә «дискәтүк» бар иде. Әйе, без монда Татарстан балалары белән татар телен өйрәнәбез, барлык кычкыруларны яттан беләм. Киләсе сменага «апашка» айдаман» буларак килергә ниятлим», - дип тәэсирләре белән шатланып уртаклашты Симферопольдән Вика.
Яңа ел төнен сменада катнашучылар традиция буенча берьюлы ике яңа ел мөрәҗәгатен карадылар: Татарстан Республикасы Раәисе Рөстәм Миңнеханов һәм Россия Федерациясе Президенты Владимир Путин. Курантлар вакытында теләк әйтеп, алар бергәләп Россия гимнын башкардылар.