Икенче чакырылыш Татарстан Яшьләр парламенты рәисе итеп Дамир Нургалиев билгеләнде
Бүген республика парламентында Татарстан Республикасы Дәүләт Советы каршындагы икенче чакырылыш Яшьләр парламентының беренче утырышы узды, анда икенче чакырылыш Яшьләр парламенты рәисе сайланды. Ул «Ярдәм янәшә» волонтерлык һәм иҗтимагый оешмалары белән хезмәттәшлек буенча координатор Дамир Нургалиев булды. Ачык тавыш бирү барышында аның кандидатурасын 69 кеше хуплады. Яшьләр парламенты рәисе вазифасына барлыгы 7 кандидат тәкъдим ителде.
Яңа сайланган Яшьләр парламентының көн тәртибенә 25 мәсьәлә кертелде, нигездә алар барысы да оештыру характерында иде. Яшь парламентарийлар яшьләр парламенты Рәисен, аның урынбасарларын сайладылар, комиссияләр төзеделәр һәм аларның рәисләрен расладылар. Моннан тыш, утырышта беренче чакырылыш Яшьләр парламенты эшенә йомгак ясалды. Татарстан Республикасы Рәисе Рөстәм Миңнеханов, парламент һәм республика Хөкүмәте исеменнән яңа сайланган яшь парламентарийларны Дәүләт Советы Рәисе Фәрит Мөхәммәтшин сәламләде.
Фәрит Мөхәммәтшин беренче чакырылыш Яшьләр парламенты әгъзаларына нәтиҗәле хезмәтләре өчен рәхмәт белдерде, икенче чакырылыш яшь парламентарийларны сайлаулары белән котлады, аларга актив эшчәнлек теләде.
«Яшьләр парламенты чын сәяси мәктәпкә әйләнде, - дип ассызыклады Фәрит Мөхәммәтшин, – Яшьләр парламентында эшләү-ул, беренче чиратта, зур тәҗрибә. Монда сез күп нәрсәгә өйрәнәсез: аудитория алдында чыгыш ясарга, үз тәкъдимнәрегезнең дөреслеген исбатларга һәм, гомумән, үсеп килүче буынга үрнәк булып торасыз».
Яшь парламентарийларга мөрәҗәгать итеп, Дәүләт Советы Рәисе 15 ел эчендә Дәүләт Советы каршындагы Иҗтимагый яшьләр палатасы, беренче чакырылыш Яшьләр парламенты тарафыннан яшьләр сәясәтен гамәлгә ашыру өчен җитди нигез салынуын ассызыклады.
Фәрит Мөхәммәтшин сүзләренчә, Дәүләт Советының һәм яшьләр парламентының уртак бурычлары күп, һәм аларны тыгыз элемтәдә хәл итәргә кирәк.
Дәүләт Советы рәисе Нина Шимина җитәкчелегендәге беренче чакырылыш Яшьләр парламенты эшен югары бәяләде, Татарстан Молпарламентының Россия Федерациясе Идел буе федераль округы субъектлары дәүләт хакимиятенең закон чыгару органнары каршындагы Яшьләр парламентлары ассоциациясе белән тыгыз хезмәттәшлеген аерым билгеләп үтте. Фәрит Мөхәммәтшин беренче чакырылыш Яшьләр парламенты активистларына Дәүләт Советы Рәисенең Рәхмәт хатларын тапшырды.
Икенче чакырылыш Яшьләр парламенты әгъзаларына ТР Яшьләр эшләре министры Ринат Садыйков мөрәҗәгать итте. Ул яшьләр парламентының һәр вәкилен актив һәм җаваплы булырга өндәде. «Яшьләр парламенты - ул утырышлар гына түгел, барыннан да элек урыннарда эшләү, - дип ассызыклады Ринат Садыйков, - сезнең һәркайсыгыз теге яки бу яшьләр хәрәкәтен, республиканың муниципаль районын тәкъдим итә. Сез яшьтәшләрегезнең сезгә күрсәтелгән ышанычын акларга тиешсез».
Татарстан Республикасы Дәүләт Советы каршындагы беренче чакырылыш Яшьләр парламенты эшчәнлегенә Нина Шимина йомгак ясады. Аның сүзләренә караганда, биш ел эчендә беренче чакырылыш Яшьләр парламенты тарафыннан 17 утырыш уздырылган, йөздән артык мәсьәлә каралган, шул исәптән закон чыгару һәм иҗтимагый инициативалар, шулай ук агарту проектлары. Гражданнарның 2 меңләп мөрәҗәгате каралды, 400дән артык парламент дәресе үткәрелде, гражданлык-хокук мәсьәләләре буенча 300гә якын түләүсез юридик консультацияләр бирелде.
«Беренче чакырылыш Яшьләр парламенты әгъзалары эшенең төп принциплары ачык булу, ярдәм итү, агарту, хәйриячелек, яңа кадрлар әзерләү һәм үстерү булды, - дип билгеләп үтте Нина Шимина. - карьера үсеше турында сөйләгәндә, яшьләр парламенты балалар өчен социаль лифтка әйләнде, безгә даими рәвештә запрослар килде, ә без егетләрне җитәкче вазифаларга тәкъдим иттек, беренче чакырылыш чыгарылыш сыйныф укучылары арасында – министр урынбасарлары, район аппаратлары җитәкчеләре, бүлек башлыклары, төрле дәрәҗәдәге депутатлар».
Икенче чакырылыш Яшьләр парламентына сайлаулар җиденче чакырылыш Дәүләт Советына депутатлар сайлау белән бер үк вакытта диярлек узды. Яшьләр парламентына 100 урынга 630 гариза кергән, анда 18 яшьтән 35 яшькә кадәрге 185 кандидат катнашкан.
Икенче чакырылыш Яшьләр парламентының беренче утырышы эшендә Дәүләт Советы Рәисе урынбасары Юрий Камалтынов, Дәүләт Советы Секретаре Лилия Маврина, парламент депутатлары, тармак министрлыклары һәм ведомстволары вәкилләре катнашты.