«Генераль репетиция»: «ПРЕМЬЕРА» фестивале экспертлары Татарстан студентлар театрларына спектакльләр әзерләргә булыша башлады
Студентлар театрларының «ПРЕМЬЕРА» ачык телевизион фестиваленең «Генераль репетиция» исеме астында икенче этабы старт алды. Экспертлар балаларга спектакльләр куярга ярдәм итә. Алар Зәй һәм Бөгелмә районнарында, Казанның уку йортларында булганнар.
«Без Зәй һәм Бөгелмә балаларына киләчәктә алар тагын да яхшырак чыгыш ясасыннар өчен мастер-класслар үткәрдек инде. Без балаларга спектакльләрен яхшыртырга ярдәм итәргә килдек. Алар инде әзер, әмма камилрәк эшләргә мөмкин булган моментлар бар. Өстәвенә, студентларга вокал, сәхнә сөйләме, хореография белән шөгыльләнергә ярдәм итәрбез»,-дип билгеләп үтте Татарстан Республикасының атказанган артисты, «Созвездие-Йолдызлык» театры артисты, вокал мәктәбенә нигез салучы Владимир Шнитко.
Алда студент театрларын финал этабы көтә: «Премьера». Ул куелган спектакльләрне күрсәтүне дә үз эченә ала. Театр эшлеклеләре һәм педагогларның мастер-класслары, түгәрәк өстәлләр һәм дискуссияләр, шулай ук чыгышлар турында ачык фикер алышу һәм мәдәни-ял итү программасы планлаштырылган.
«Экспертлар безгә бик төгәл, максатчан кисәтүләр бирделәр, алар өстендә эшләячәкбез. Чыннан да, бушлыклар бар. Мин үзем дә кайбер моментларны сиздем, ләкин аларны ничек төзәтергә икәнен аңламый идем. Ә монда тәҗрибәле кешеләр килде һәм безгә нинди юнәлештә эшләргә кирәклеген аңлаттылар», - дип уртаклашты Бөгелмә студентлар театры артистларының берсе.
Фестивальнең гран-при иясе билгеләнәчәк, төп приз җиңүче спектакльне экранлаштыру булачак. Оештыручылар сүзләренчә, «ПРЕМЬЕРА» фестивале профессиональ дәрәҗәдә студент театрларының сыйфатын күтәрергә ярдәм итәчәк.
Проект «Мәгариф» милли проектының «Яшьләргә ярдәм итү системасын үстерү» федераль проектының «Яшьләр өчен төбәк» федераль программасы кысаларында гамәлгә ашырыла. Фестивальне Татарстан Республикасы Яшьләр эшләре министрлыгы, Татарстан Республикасы Мәгариф һәм фән Министрлыгы, «Татмедиа» Республика матбугат һәм массакүләм коммуникацияләр агентлыгы, Татарстан Республикасы югары уку йортлары ректорлары советы, Татарстан Республикасы урта һөнәри белем бирү мәгариф учреждениеләре Директорлар советы, «Татарстан Республикасы Муниципаль берәмлекләре Советы» Ассоциациясе, «Яңа Гасыр» телерадиокомпаниясе ярдәмендә Татарстан Республикасының «Созвездие – Йолдызлык» төбәк яшьләр иҗтимагый оешмасы оештыра.
