«Алтын калəм — Золотое перо» XXIX Республика фестиваленең май аендагы күчмә программасында 80 яшь журналист катнашты
Казанның «Заречье» лагеренда «Алтын калəм — Золотое перо» XXIX Республика яшүсмерләр һәм яшьләр матбугаты фестиваленең май аендагы күчмә программасы тәмамланды. Анда 80 яшь журналист һәм медиа хезмәткәре катнашты.
Алар Татарстан шәһәрләре һәм оешмалары буенча унлап экскурсиядә булдылар, тәҗрибәле спикерлардан лекцияләр тыңладылар һәм үз юнәлешләре буенча практика башладылар. Программага фестивальне оештыручылар белән матбугат конференциясе, журнал редакцияләренә экскурсияләр, Филология һәм мәдәниятара багланышлар институты һәм КФУның Югары журналистика мәктәбе белән танышу, шулай ук «Татарстан» ДТРК, «ТНВ» телерадиокомпаниясе, «Шаян ТВ» телеканалы һәм «Болгар радиосы» мәйданчыгына экскурсияләр кертелгән иде. Катнашучылар шулай ук «Вертолет» Яшьләр үзәгендә, «Урам» Экстрим паркында, блогерлар белән очрашуларда, практик юнәлешле дәресләрдә һәм журналист материаллары әзерләүдә булдылар. Яшьләрнең төрле юнәлешләрдә үз урыннарын табу өчен мөмкинлекләр тудыру «Яшьләр һәм балалар» милли проекты максатларына туры килә.
«Мин иң яхшысын гына көттем. Өметләр акланды дип әйтә алам. Мин яңа һәм шәп кешеләр белән үз юнәлешемнән генә түгел, башка юнәлешләрдән дә таныштым. Фестиваль инде кыйммәтле тәҗрибә, алга таба эшләү өчен мәгълүмат бирде. Миңа, студентлар массакүләм матбугат чаралары вәкиле буларак, журнал һәм телеканаллар редакцияләренең экскурсияләренә бару кызык иде. Күчмә финал программасын көтәм», – дип уртаклашты «Студентлар медиасы» юнәлешендә катнашучы Ярослав Мальцев.
Белем бирү процессыннан тыш, катнашучылар өчен кичке мәдәни программа әзерләнгән иде, анда һәркем үзен бераз күбрәк белә, гитарага җырлар җырлый һәм интеллектуаль квизда үз белемнәрен тикшерә алды.
Күчмә программада иң күпсанлы юнәлешләр «Телевидение һәм видеоблогинг», «Рус телендә басма журналистика» һәм «Югары уку йортлары һәм һөнәри белем бирү студентлар медиасы» булды. Май аеның күчмә программасы нәтиҗәләре буенча иң яхшы катнашучылар сайлап алыначак. Алар 14 июньнән 18 июньгә кадәр узачак күчмә финал программасының бер өлеше булачак. Анда яшьләр үз юнәлешләре буенча бүләкләнәчәк, һәм без XXIX «Алтын калəм — Золотое перо» республика яшүсмерләр һәм яшьләр матбугаты фестиваленең гран — при иясен тбеләчәкбез.
Фестивальдә Татарстан Республикасында яшәүче һәм медиа өлкәсендә эшчәнлек белән шөгыльләнүче 14 яшьтән 24 яшькә кадәрге яшьләр катнаша. Быел фестиваль бирелгән гаризалар саны буенча рекорд куйды, 356 укучы һәм студент проектта катнашырга теләде, әмма аларның 106сы гына конкурс аша сайлап алынды һәм 80е күчмә программага эләкте.
