«Таврида.АРТ» Яшь сәнгать фестиваленең хедлайнерлары игълан ителде
1 августтан 3 августка кадәр Кырымда «Таврида.АРТ» яшь сәнгать фестивале узачак. Яшь сәнгатькә багышланган Россиянең иң масштаблы мәдәни-агарту вакыйгасы традицион рәвештә ил мәдәниятен бөтен төрлелеге белән күрсәтәчәк. Арт-кластер вакыйгалары «Яшьләр һәм балалар» милли проектының «Россия — мөмкинлекләр иле» федераль проектына кертелгән һәм 2015 елдан гамәлгә ашырыла.
Фестивальдә түбәндәге сайтта алдан теркәлү буенча бушлай катнашырга мөмкин:https://clck.ru/3M2ugy
Җиденче тапкыр «Таврида.АРТ» фестивале Кырымда бөтен Россиядән меңләгән катнашучыларны һәм тамашачыларны җыячак. 250 гектар матур җирлек, биш сәхнә, 300 дән артык чара һәм шоу, музыка, кино, театр, биюләр, әдәбият, сынлы сәнгать — фестиваль бер урында Россия мәдәниятенең бөтен төрлелеген күрсәтәчәк.
Фестивальнең биш сәхнәсендә төрле стиль һәм жанр башкаручылары чыгыш ясаячак. Кырымда эксклюзив рәвештә «Таврида.АРТ» фестивале кунаклары өчен генә — «Звери» төркеме, XOLIDAYBOY, «Моя Мишель», 25/17. Шулай ук ST лайнапында, «Пелагея» төркеме, «Комната культуры», VLADA MIRAVI. «Таврида»да беренче тапкыр Владимир Кузьмин, Асия, LYRIQ һәм TRITIA чыгыш ясаячак.
Фестивальнең махсус кунагы булып, үз иҗатында традицияләрне һәм заманча музыкаль стильләрне берләштергән, Нomay җыры белән дөнья чартларын яулаган музыкаль проект — AY YOLA булачак.
«Таврида.АРТ» яшь сәнгать фестивале гадәттәгечә җәй көне Кырымда «Таврида» арт-кластеры территориясендә узачак. Киң программа милли төсмерле заманча сәнгатькә һәм яңа укылышта традицион мәдәнияткә багышланган. Биш сәхнәдә йолдызлы артистлар, алар белән бергә яшь башкаручылар да чыгыш ясаячак. Иң яхшы театр коллективлары һәм студияләр үзләренең спектакльләрен һәм куелышларын тәкъдим итәчәк. Төбәкләр фестивальгә мәдәни һәм гастрономик казанышлар алып киләчәк. Рәссамнар һәм дизайнерлар визуаль сәнгать белән гаҗәпләндерәчәк. Традиция буенча меңләгән катнашучы тематик арт-йөрештә берләшәчәк һәм фестивальнең бөтен территориясе аша якты колонна булып узачак.«Таврида.АРТ» яңадан барлык төбәкләрдән яшь иҗатчыларны җыюның иң эре ноктасы булачак, алар илһам табып кына калмыйча, үз проектлары өчен ярдәм алырга һәм үзләре турында кычкырып әйтергә мөмкин булган урын булачак. Фестиваль тамашачылары өчен, шул исәптән Кырымда ял уздырырга сайлаган туристлар өчен вакыйга ял һәм мәдәнияткә чуму, шулай ук гаилә белән вакыт үткәрүне берләштерү өчен уңайлы урын булачак.