Россия блогерлары «Сугыш миндә» видеороликлар циклын чыгарды

«Инсайт кешеләр» продюсерлык үзәге тарихи хакыйкатьне һәм буыннар бәйләнешен саклауга багышланган «Хәтер картасы» масштаблы мультиформат проектының бер өлеше булган «Сугыш миндә» видеоэшләр циклын тәкъдим итте.

Яңа проект вакыйгалар турында гына сөйләп калмый, сугышның шәһәрләр һәм кешеләр өчен, бөтен ил өчен нәрсә аңлатканын тоярга мөмкинлек бирә. Нейрочелтәр технологияләре ярдәмендә эшләнгән видеороликлар тамашачыны сугыш еллары атмосферасына дүрт типтагы шәһәр образлары аша чумдыра:

• Госпиталь-шәһәрләр. Монда кораллар дөбердәми, ләкин һәр көн яшәү өчен көрәш була. Бу шәһәрләр фронт яны операционныйларына әверелде, анда солдатларны коткардылар. Авырту һәм курку аша, «иртәгә»гә яңадан ышанырга өйрәнделәр.
• Завод-шәһәрләр. Тыл — ул шулай ук фронт. Ирләр фронтка киткәндә, станок артына хатын-кызлар һәм балалар баса. Хезмәт батырлыкка әйләнде. Хатын-кыз — әлеге шәһәрләрнең символы. Монда танк җыю, снаряд ясау, броня кою өчен тәүлегенә икешәр сәгать йоклыйлар иде. Бу шәһәрләр киеренкелектән иделәр, һәм шулай Җиңү туган.
• Хәрби-Диңгез Флоты шәһәрләре. Диңгез, күк йөзе кебек үк, хаталарны гафу итми. Монда ихтыяр чыныкты, ә һәр корабль кечкенә крепость иде. Бу шәһәрләр форма кигәннәр һәм горур рәвештә тормыш белән үлем арасындагы чиктә — суда хезмәт иткәннәр.
• Блокада шәһәре—Ленинград. 872 көн. Бирелмәскә, иелмәскә. Яшәргә генә. Ипи, яктылык һәм җылылык булмаганда да. Ленинград — ул сыгылмаслык, тынлык һәм өметсезлектә туган көч символы.

«Сугыш миндә — «Хәтер картасы» проектының үзенчәлекле өлеше. Визуаль тел һәм яңа технологияләр аша без вакыйгаларны гына түгел, сугыш елларында ил яшәгән хисләрне дә күрсәтергә тырыштык. Без яшь буын белән Хәтер турында нәкъ менә шулай сөйләшергә мөмкин дип ышанабыз — үгет-нәсыйхәт түгел, ә гадел, эмоциональ, чын-чынлап.

«Хәтер картасы» шундый төрле, ләкин бер үк дәрәҗәдә мөһим тарихларны берләштерә — һәркем җиңүнең уртак булуын һәм һәркем аңа үз өлешен керткәнен күрсен өчен», - дип ассызыклады «Инсайт Люди»ның төбәк үсеше буенча директор урынбасары Ксения Пономарева.

Проектны халкыбызның нәрсә аша үткәнен күңел белән тою өчен күрергә кирәк. Бу тарих кына түгел, бу безнең уртак сызлануыбыз, көчебез һәм горурлыгыбыз. Бу— тавышларда, карашларда, тынлыкта чагыла торган тере хәтер. Батырлык һәм ныклык, киләчәк буыннар хакына ирешелгән Бөек Җиңү истәлеге.

 Видеороликлар циклы RUTUBE платформасында бар.