Яшьләр көнендә Казанда берничә урам буйлап транспорт хәрәкәтен чикләячәкләр

Казанда Яшьләр көне ике мәйданчыкта: УРАМ экстрим-паркында һәм Горький исемендәге паркта «Бел, ярат, горурлан, арттыр» концепциясе астында билгеләп үтеләчәк. Шуңа бәйле рәвештә транспорт хәрәкәте өчен кайбер юллар ябылачак.

- Подлужная урамы, Толстой урамыннан алып «Миллениум» күперенә кадәрге участокта (ике юнәлештә дә);

- Вишневский урамыннан һәм «Миллениум» күпереннән Подлужная урамына чыгу һәм керү юллары;

- Вишневский урамыннан алып Н.Ершов урамындагы 7д һәм 7г номерлы йортларга кадәр автомобиль юллары.

Исегезгә төшерәбез, кунакларны бәйрәмдә экстрим-ярышлардан һәм черлидинг буенча мастер-класслардан алып продюсерлар, психологлар һәм югары уку йортлары ректорлары белән очрашуларга кадәр тематик киңлекләр көтә. Талантларга ярдәм итүгә һәм карьера үсешенә аерым игътибар биреләчәк. Фестиваль мәйданчыкларында яшьләрнең бирелгән мөмкинлекләрдән файдаланып кына калмыйча, «Яшьләр һәм балалар» милли проектында гамәлгә ашырылган һәм «Татарстанда җәй» программасына кертелгән уникаль ярдәм кораллары аша үз потенциалын тормышка ашырып, бөтен җәмгыять файдасына иҗат итүләре күрсәтеләчәк.

Чараларга керү тамашачылар һәм катнашучылар өчен  Яшьләр көне сайтында алдан теркәлү буенча ирекле.