Җанлы аралашу һәм яңа парлар: VK Festтагы «Яшьләр элемтәсе» меңләгән яшь кешене берләштерде

Казанда узган VK Festта меңләгән яшьләрне берләштергән «Яшьләр элемтәсе» мәйданчыгы эшләде. Чара «Татарстанда җәй» проекты кысаларында узды.

Иң популяр активлыклар түбәндәгеләр булды:

– Музыкаль бинго – биредә берничә массакүләм уен узды, аларның һәрберсендә 500 дән артык кеше катнашты. Катнашучылар дәртләнеп хитларны танып, җырладылар, биеделәр һәм бүләкләр алдылар.

– Танышу чыршысы – стикерларда VK ID, җанлы диалоглар һәм хәтта яңа парлар. Әйе-әйе, нәкъ менә «Яшьләр элемтәсе» мәйданчыгында берничә яшь кеше бер-берсен тапкан.

«Киләчәкне өйрәнү почмагы» да игътибарны җәлеп итте, анда балалар стажировкалар, грантлар, волонтерлык һәм карьера мөмкинлекләре турында белделәр. Зона «Татарстан — мөмкинлекләр территориясе» коммерцияле булмаган автоном оешмасы ярдәмендә гамәлгә ашырылды.

Мәйданчыкта шулай ук Татарстан Республикасы Яшьләр эшләре Министры Ринат Наил улы Садыйков та булды, ул «Яшьләр элемтәсе» креатив форматларның яшьләргә төбәк тормышына кушылырга ярдәм итүенең яхшы үрнәге булды, дип билгеләп үтте.