Татарстан яшьләрен «Россия — минем җирем!» төбәкара шигъри конкурсында катнашырга чакыралар

«Россия — минем җирем!» Мәскәү төбәкара шигъри конкурсында катнашуга гариза бирү кампаниясе башланды. Конкурста яшәү төбәгенә бәйсез рәвештә, 14 яшьтән 35 яшькә кадәрге профессионаллар, шулай ук әле эшли генә башлаган авторлар да катнаша ала.

Конкурс яшь талантларны үстерүгә, патриотик кыйммәтләрне ныгытуга, Россия төбәкләре арасында мәдәни диалогны үстерүгә юнәлдерелгән. Иң яхшы әсәрләр шигъри җыентыкка кертеләчәк, җиңүчеләр дип танылган авторлар Мәскәүгә тантаналы әдәби кичәгә чакырылачак. Транспорт һәм яшәү чыгымнарын оештыручылар түли.

Конкурс номинацияләре:

- Хәрби лирика

- Мәхәббәт лирикасы

- Гражданлык лирикасы

- Пейзаж лирикасы

- Фәлсәфи лирика

- Яшь талант (14-17 яшьлек катнашучылар өчен*)

- Сәнгатьле уку

Махсус номинацияләр:

- Аерым фикер

- Яшьләр комиссиясен сайлау

- Милләтләр йортын сайлау

Катнашу шартлары:

Төп номинацияләрдә 2025 елның октябренә кадәр 18 яше тула торган, әмма 36 яшь тулмаган гражданнар катнаша ала.

«Яшь талант» номинациясендә 14 яшьтән 17 яшькә кадәрге (2025 елның октябренә кадәр) яшүсмерләр катнаша.

Кабат катнашу элек җиңгән номинациядән аерылып торган башка номинациядә мөмкин.

Ике тапкыр җиңүчеләр «Аерым фикер» номинациясенә генә гариза бирә ала.

«Яшь талант»та кабат катнашу бөтен вакыт эчендә ике тапкырдан артык рөхсәт ителми.

Катнашу өчен  https://россияземлямоя.рф сайтында 2025 елның 11 сентябренә кадәр анкета тутырырга кирәк.

Конкурста катнашучылар үз әсәрләрен киң аудиториягә тәкъдим итү генә түгел, ә башкалага бару, экскурсия программасында катнашу мөмкинлегенә дә ия булачак — барлык чыгымнарны оештыручы үз өстенә ала.

«Россия — минем җирем!»  Мәскәү төбәкара шигъри конкурсы Мәскәү хөкүмәте ярдәмендә 2016 елдан бирле үткәрелә.