Рөстәм Миңнеханов Баулыда «Җәй – балаларга» программасы буенча капиталь ремонт үткәрелгән «Ласточка» лагеренда булды
Татарстан Рәисе Рөстәм Миңнеханов Баулыда «Ласточка» балалар лагеренда булды, анда күптән түгел 214 млн сумлык капиталь ремонт тәмамланган. Татарстан Республикасы Рәисенә ремонт эшләренең барышы һәм яшүсмерләрнең лагерьларда ялы турында Татарстан Республикасы Яшьләр эшләре министры Ринат Садыйков сөйләде.
«Ласточка» лагере ел әйләнәсе эшли. 1,3 гектар территориядә ике торак корпус, медпункт, КПП һәм ашханә урнашкан. Анда бер сменада 90 бала ял итә.
«Бербөтен якын килү – яшүсмерләр өчен кирәкле яңартылган инфраструктура, смена вакытында бай программа ярдәмендә без үсеп килүче буында файдалы гадәтләр тәрбиялибез, лагерьдан соң да үзләренә ошаган юнәлештә эшләрен дәвам итсеннәр өчен төрле мастер-класслар, чаралар кысаларында кызыксындырырга тырышабыз», - дип өстәде Ринат Садыйков.
Болар барысы да «Яшьләр һәм балалар» милли проекты бурычларына туры килә.
2025 елда «Җәй – балаларга» программасына Татарстан Республикасының һәм Анапаның 14 муниципаль берәмлегеннән 19 объект кертелгән, аларның суммасы 1,3 млрд.сум.
Татарстанда, Татарстан Республикасы Рәисе Рөстәм Миңнеханов ярдәме белән, 2019 елдан «Җәй – балаларга» балалар һәм яшьләрнең ял итү һәм сәламәтләндерү учреждениеләрен капиталь ремонтлау, реконструкцияләү һәм төзү программасы гамәлгә ашырыла. Әлеге программа ярдәмендә шушы вакыт эчендә 6,97 млрд сумлык 43 балаларны савыктыру лагере төзекләндерелде һәм төзелде.
