Кабан күле буенда һәм Иске Татар бистәсендә 26-29 август көннәрендә «Күптөрлелектә бердәмлек» фестивале узачак, әлеге фестиваль традицион «Печән базары» татар мәдәнияте фестивален һәм «Хәрәкәттә – бәрәкәт» проектын тулыландырачак. Чаралар 2025 елгы Казан глобаль яшьләр саммитының мәдәни программасы – мәгариф, мәдәният һәм медиа өлкәсендә яшьләр белән эшләүнең иң яхшы практикаларын алмашу буенча белем бирү-эксперт платформасы кысаларында узачак. Саммитның төп максаты – ике яклы мөнәсәбәтләрне ныгыту, Яшьләр дипломатиясен үстерү һәм уртак мәгариф, мәдәни һәм инновацион проектлар өчен ныклы нигез булдыру, бу «Яшьләр һәм балалар» милли проекты максатларына туры килә.
«Күптөрлелектә бердәмлек» фестивален оештыручылар – Татарстан Республикасы Хөкүмәте, Татарстан Республикасы Яшьләр эшләре министрлыгы, «Беренчеләр хәрәкәте» гомумроссия иҗтимагый-дәүләт балалар хәрәкәтенең төбәк бүлеге, Татарстан Республикасы яшьләр үзәге, «Яшьләр дипломатиясе академиясе» коммерцияле булмаган автоном оешмасы. Оештыруда катнашучылар – Казан шәһәренең парклар һәм скверлар дирекциясе, Тарихи мохит, «Иске шәһәр» Префектурасы, «РЕАКТОР» арт-резиденциясе.
Дүрт көн дәвамында 2025 елгы Казан глобаль яшьләр саммиты кунаклары Идел буе халыкларының милли киемнәре, музыкасы, биюләре һәм һөнәрләре белән таныша алачак. Шәһәр урамнарында иҗади мастер-класслар, балалар һәм өлкәннәр өчен интерактив мәйданчыклар, халык сәнгате күргәзмәләре һәм этник коллективлар концертлары булачак.
Фестивальнең барлык чараларына керү ирекле. Спорт чараларында катнашу өчен сылтама буенча алдан теркәлү таләп ителә.
Фестиваль программасы:
26 август:
27 август:
28 август
29 август
