Татарстан Студентлар лигасы яңартылган форматтагы Н. И. Лобачевский исемендәге Бөтенроссия фәнни эшләр конкурсына гариза бирү кампаниясен башлап җибәрә
Ел саен үткәрелә торган Н. И.Лобачевский исемендәге «Лобачевский 2.0» Бөтенроссия фәнни эшләр конкурсының гариза бирү кампаниясе старт алды. Конкурс бөтен илдән килгән студентларны берләштерә, фәнни активлыкны стимуллаштыра һәм яшь тикшеренүчеләргә ярдәм итә, шул рәвешле «Яшьләр һәм балалар» милли проекты бурычларына туры килә.
«Лобачевский исемендәге конкурс инде 30 ел диярлек бөтен илдән студентларны берләштерә торган мәйданчыкка әйләнде. Быел без «Лобачевский 2.0» форматын эшләтеп җибәрәбез — чөнки аның беренче өлеше 2025 елның апрелендә узды. «Россия Яшьләре.Грантлар»ның ике ел рәттән хуплавы, бу проектның әһәмиятен раслый. Алда юбилейлы, утызынчы сезон — конкурс тарихында мөһим вакыйга», - дип сөйләде Татарстан Республикасы Студентлар лигасы президенты Шамил Якупов.
Конкурста Россия Федерациясе территориясендә урнашкан югары һәм урта белем программалары буенча белем алучы 16 яшьтән 30 яшькә кадәрге укучылар катнаша ала. 2025 елда беренче тапкыр катнашуга аспирантлар кертелә, ә фәнни секцияләр структурасы эшкәртелде һәм киңәйтелде — хәзер алар элеккеге 16 урынына 18. Конкурс нигезләмәсе белән түбәндәге сылтама буенча танышырга була: https://disk.yandex.ru/i/h0avOzPk2NejlQ
Н. И. Лобачевский исемендәге Бөтенроссия фәнни эшләр конкурсының гариза бирү кампаниясе https://lomonosov-msu.ru/rus/event/9907/ платформасында 2025 елның 1 октябренә кадәр дәвам итәчәк. Катнашу өчен онлайн-анткета тутырырга, билгеләнгән таләпләргә туры китереп эш тезисларын әзерләргә һәм фәнни җитәкче имзасы белән аларның сканын беркетергә кирәк.
Конкурсның көндезге этабында катнашучылар үз эшләрен Россия фәнни цитаталар индексына (РИНЦ) индексацияләнә торган җыентыкта бастырып чыгарырга, шулай ук бөтенроссия дәрәҗәсендә җиңүчеләр һәм призерлар исеме өчен көрәшергә мөмкинлек алачак. Нәтиҗәләр агымдагы елның 21 ноябрендә булачак бүләкләү тантанасында ясалачак.
Шунысын да билгеләп үтәргә кирәк, 2025 елның апрелендә узган узган сезонда читтән торып уку этабына, республиканың актив катнашуын да кертеп, Россиянең 10 төбәгеннән 430 гариза килгән.
Конкурсны Татарстан Республикасы Яшьләр эшләре министрлыгы, Татарстан Республикасы Яшь галимнәренең һәм белгечләренең төбәк иҗтимагый яшьләр хәрәкәте ярдәмендә «Татарстан Республикасы Студентлар лигасы» төбәк яшьләр иҗтимагый оешмасы оештыра. Проект «Россия Яшьләре.Грантлар» чаралары хисабына гамәлгә ашырыла.