«Игелекле Татарстан» волонтерлары Татарстан Республикасы Рәисен сайлауларны оештыруда катнаша
Бүген «Игелекле Татарстан» республиканың барлык муниципаль районнарында Татарстан Республикасы Рәисен сайлауларны оештыруда һәм уздыруда катнаша. Волонтерлар гражданнарга район сайлау участокларына керергә булышалар – алар аз хәрәкәтләнүче халык төркемнәренә, өлкәннәргә һәм аларга мөрәҗәгать итүчеләргә ярдәм итәләр.
Әлеге ярдәмгә ихтыяҗ булу хакында республика халкы алдан Дәүләт хезмәтләрендә күрсәтә алды. Бу хакта Татарстан Республикасы Яшьләр эшләре министры Ринат Садыйков хәбәр итте.
Узган айда ук Татарстан волонтерлары өчен гаризалар кабул итү ачылган иде, ә инде бүген үк битараф булмаган көчле «игелелекле» команда җыелган. Волонтерлык программасын гамәлгә ашыру гадәттәгечә – гаризалар бирү кампаниясен оештырудан башланды, аннары – позициягә сайлап алу алдыннан кыскача әңгәмә, гомуми һәм объектлы белем бирүнең ике төре һәм бүген инде аның соңгы этабы: волонтерларның үз позицияләренә уңышлы чыгуы гамәлгә ашырыла.
«Минем өчен сайлаулар — ул һәрвакыт гаилә һәм бәйрәм турында. Мин хәтерлим, элек без бөтен гаиләбез белән тавыш бирергә бара идек, әти-әниләр үзләренә бюллетеньне сайлау урнасына ташларга рөхсәт итә иде һәм үз актив гражданлык позициясен күрсәтү һәм сайлауларда катнашу ничек мөһим икәнлеге турында сөйли иде. Һәм инде бүген үк без бу традицияне үзебезнең гаиләләребезгә алып керәбез, үсеп килүче буында патриотлык һәм гражданлык хисе тәрбиялибез. Шуңа күрә, республика һәм ил өчен әһәмиятле вакыйганың бер өлеше булу мөмкинлеге барлыгын белгәч, аны иң югары дәрәҗәдә уздыру өчен бер дә уйлап тормыйча гариза бирдем», – дип уртаклашты тәэсирләре белән Татарстан Республикасы волонтерларының Кара диңгез яр буендагы делегациясе катнашучысы, экоактивист, Татарстанда «Чистые игры» проекты кураторы Максим Антонов.
«Безнең өчен Татарстан Республикасы төп вакыйгаларының бер өлеше булу мөһим. Волонтерлык бергәлегенең актив гражданлык позициясен хуплавы һәм ватандашларына патриотизм принципларын трансляцияләве бик мөһим. Бу бөек елда Җиңү волонтерларда патриотизм һәм Ватанга тугрылык мәгънәләре чагылыш таба. Бүгенге көн төбәк өчен бик мөһим һәм ирекле бергәлек һәркемгә шатланып ярдәм итәргә әзер!» - дип билгеләп үтте Татарстан Республикасы ихтыярый эшчәнлек мәгълүмати-ресурс үзәге башкарма директоры Айрат Мөбәрәкшин.
Республикада волонтерлык эшчәнлеге «Яшьләр һәм балалар» милли проекты кысаларында гамәлгә ашырыла.
