Татарстан яшьләрен «CASE-IN Халыкара инженерлык чемпионаты» проектының Көзге мәктәп лигасы кубогына чакыралар
2025 елның сентябреннән ноябренә кадәр «CASE-IN Халыкара инженерлык чемпионаты» проектының көзге мәктәп лигасы кубогы – инженер кейсларын чишүдә мәктәп укучылары ярышлары узачак. Проект эшче, инженер һөнәрләрен популярлаштыруга юнәлдерелгән һәм «Яшьләр һәм балалар» милли проекты максатларына туры килә. Проектны оештыруда «Россия – мөмкинлекләр иле» коммерцияле булмаган оешмасы катнаша.
2025 елда проектның мәктәп лигасы ике юнәлеш буенча уза: «Инженер кейсларын чишү буенча мәктәп укучылары арасында Бөтенроссия ярышы» һәм «Җылылык энергетикасы». Күрсәтелгән юнәлешләр кысаларында 8-11 сыйныф укучылары командалары кейс – гамәли биремне реаль технологик яки производство ситуациясе нигезендә хәл итәргә тиеш. Чара читтән торып сайлап алу этабыннан һәм Мәскәүдә узачак турыдан-туры финалдан тора. Катнашучыларның карарларын экспертлар – тармак компанияләре белгечләре һәм югары уку йортлары укытучылары бәяли. Көзге проект кубогы финалистлары һәм мәктәп лигасы җиңүчеләре Мәскәү шәһәренә проект финалына килү мөмкинлеге, Россиянең әйдәп баручы югары уку йортларына кергәндә бердәм дәүләт имтиханына өстәмә баллар алуны гарантияли торган сертификатлар һәм дипломнар алачак. Өстәмә баллар бирә торган уку йортлары исемлеге https://case-in.ru/score/1/ сайтында күрсәтелгән. Җиңүчеләр һәм призерлар бөтенроссия балалар үзәкләренең профиль сменаларына чакырылачак, шулай ук проектны оештыручылардан кыйммәтле призлар алачак.
«Инженер кейслары чишелеше буенча мәктәп укучылары арасында Бөтенроссия ярышы» юнәлешендә катнашу өчен Россиянең барлык төбәкләреннән 8-11 сыйныф укучылары чакырыла. Катнашучыларга 3 тән алып 4 кә кадәр кешедән торган командалар төзергә һәм 2025 елның 20 октябренә кадәр проект сайтында индивидуаль теркәлү узарга кирәк: https://lk.case-in.ru/registration/2025/Autumn-SchoolLeague. «Җылылык энергетикасы» юнәлешендә катнашу өчен Мәскәү шәһәреннән һәм Мәскәү өлкәсеннән 8-11 сыйныф укучылары чакырыла. Катнашучыларга 3 тән алып 4 кә кадәр кешедән торган командалар төзергә һәм 2025 елның 20 октябренә кадәр проект сайтында индивидуаль теркәлү узарга кирәк: https://lk.case-in.ru/registration/2025/AutumnSchoolLeague.
Проект белән тулырак https://10casein.ru/school_league сайтында танышырга була.