Казанда Бөтенроссия Студентлар язы даталары билгеле булды
Югары белем бирү оешмаларының «Россия Студентлар язы» XXXIII Бөтенроссия фестивале Татарстан Республикасы башкаласында 25-29 ноябрьдә узачак һәм Россиядә югары уку йортлары студентлары өчен массакүләм яшьләр конкурс чараларының берсе булачак. Фестиваль Россиядә Ватанны саклаучылар елына багышланачак һәм Бөек Ватан сугышында Җиңүнең 80 еллыгы кысаларында узачак.
Фестивальдә илебез төбәкләреннән студентлар катнашачак. Казан шәһәре фестиваль тарихында дүртенче тапкыр (2001, 2009, 2016 һәм 2025 елларда) Россия Студентлар язының башкаласы булачак.
2025 елда фестивальнең гамәлгә куючылары һәм оештыручылары: Россия Федерациясе Фән һәм югары белем министрлыгы, Татарстан Республикасы Хөкүмәте, Татарстан Республикасы Яшьләр эшләре министрлыгы һәм «Россия Яшьләр Берлеге» Гомумроссия иҗтимагый оешмасы. Фестиваль Яшьләр эшләре буенча Федераль агентлык (Россия Яшьләре) ярдәме белән узачак.
Фестивальнең барлык трансляцияләре һәм көндәлек видеороликлары VK Видео һәм Россия Яшьләр Берлегенең «Студвесна» (Россия Студентлар язы) программалары бергәлегендә ВКонтакте — фестивальнең рәсми социаль челтәрендә урнаштырылачак.
Шунысын да билгеләп үтәргә кирәк, «Россия студентлар язы» Бөтенроссия фестивале – Россиядә иң масштаблы студентлар иҗат фестивале, ул 1993 елдан бирле ел саен үткәрелә һәм «Студвесна» (Россия Студентлар язы) яшьләр иҗатына ярдәм итү һәм аны үстерү программасының флагман проекты булып тора. Программаны гамәлгә куючылар: РФ Фән һәм югары белем министрлыгы, РФ Мәгариф министрлыгы, РФ Мәдәният министрлыгы, Яшьләр эшләре буенча Федераль агентлык (Россия Яшьләре) һәм «Россия Яшьләр Берлеге» Гомумроссия иҗтимагый оешмасы.
Яшьләрнең иҗади үзбилгеләнүе өчен мөмкинлекләр тудыру «Яшьләр һәм балалар» милли проекты максатларына туры килә.
