«АртМастерс Регионы» команда ярышларына гариза бирү кампаниясенә старт бирелде

ArtMasters илкүләм ачык иҗади компетенцияләр чемпионаты 2020 елда нигез салынган креатив индустрияләр өлкәсендә һөнәри ярышлар традициясен дәвам итә.

6 октябрьдән Россия төбәкләрендә backstage һәм цифрлы сәнгать өлкәсендә иҗади компетенцияләрне үстерүгә юнәлдерелгән Artmasters экосистемасының өлеше — «АртМастерс Регионы» команда ярышларына гаризалар кабул ителә башлады. Гаризалар 6 декабрьгә кадәр кабул ителәчәк.

Ярышлар гадәттәгечә ике юнәлештә — «Театр» һәм «Кино» буенча уза, алар 16 компетенцияне үз эченә ала (һәр юнәлештә 8әр):

• «Кино» юнәлеше: сценаристлар, кино һәм ТВ операторлары, монтаж режиссерлары, медиакомпозиторлар, моушн-дизайнерлар, костюмнар буенча рәссамнар, фотографлар, кино һәм медиа тавыш режиссерлары.
• «Театр» юнәлеше: драматурглар, сценографлар, яктылык, грим һәм костюмнар буенча рәссамнар, театрның тавыш режиссерлары, фотографлар, стейдж-менеджерлар.

Проектның максаты  — иҗади һөнәрләрнең талантлы яшь белгечләренә ярдәм итү, аларның потенциалын ачу һәм төбәкләрдә креатив индустрияләрнең абруен күтәрү өчен шартлар тудыру. Проектның бурычлары «Яшьләр һәм балалар» милли проекты максатларына туры килә.

«АртМастерс Регионы» команда ярышлары:

• яңа театр һәм кино җитештерү командаларын формалаштыруга;
• төбәк мәдәни индустрияләрнең кадрлар потенциалын ныгытуга;
• талантлы яшьләрнең төбәкләрдән китүен киметүгә;
• төбәк кинематографын һәм театр эшен үстерүгә ярдәм итә.

Проект Россия Федерациясе Фән һәм югары белем министрлыгы, Россия Федерациясе Мәгариф министрлыгы, Россия Федерациясе Мәдәният министрлыгы, шулай ук Мәскәү хөкүмәте ярдәмендә гамәлгә ашырыла.