Татарстан Республикасы яшьләре өчен куркынычсызлык турында подкастлар сериясе чыкты

Татарстанда куркынычсызлык турында «Конструктив диалог» подкастлар сериясе чыкты. Видеоны яздыру Казанның ачык иҗтимагый киңлекләрендә узды, бу проектның «Кайда булуы мөһим түгел, нәрсә турында булуы мөһим» дип аталган төп принцибын ассызыклый. 

Проект яшьләр арасында куркынычсызлык культурасын һәм тәнкыйди фикерләүне үстерүгә юнәлдерелгән. Подкастларның темалары цифрлы гигиенадан һәм шәхси тотрыклылыктан алып гражданлык җаваплылыгына һәм патриотизмга кадәр сорауларның киң спектрын колачлый, ә һәр эпизод — экспертлар, педагоглар, психологлар һәм җәмәгать эшлеклеләре белән манипуляцияләргә, деструктив идеологияләргә һәм мәгълүмати янауларга тотрыклылык формалаштыру турында ачык әңгәмә. Яшьләр өчен мөмкинлекләр тудыру «Яшьләр һәм балалар» милли проекты максатларына туры килә.

«Бу проект яшьләр белән катлаулы темалар турында гади, аңлаешлы телдә сөйләшергә ярдәм итә. Без лекцияләр укымыйбыз, ә тере диалог алып барабыз — һәркем үзе өчен, башкалар өчен һәм үз җәмгыяте өчен җаваплы булу нәрсә икәнлеге турында уйлана алсын өчен», — дип билгеләп үтә проектны оештыручылар.

Һәр чыгарылыш — ул зур профилактика системасының бер өлеше, анда белем, намуслылык һәм ачыклык мөһим роль уйный.  Подкастларны  хәзер үк карарга мөмкин.

Проект яшьләр эшләре буенча Федераль агентлык, Татарстан Республикасы Яшьләр эшләре министрлыгы һәм Татарстан Республикасында Террорчылыкка каршы комиссия аппараты ярдәмендә Татарстан Республикасы Иҗади яшьләр академиясе командасы тарафыннан гамәлгә ашырыла.