8-10 сыйныф укучылары арасында «Большая перемена» Бөтенроссия конкурсы финалында Татарстан яшьләре 5,4 млн сум акчага лаек булды
19 октябрьдән 8 ноябрьгә кадәр «Артек» Халыкара балалар үзәге базасында 8-10 сыйныф укучылары өчен «Большая перемена» Бөтенроссия конкурсының финалы узды. «Россия – мөмкинлекләр иле» президент платформасының флагман проекты булган конкурс бөтен ил буйлап миллионнан артык укучыны берләштерә, аларга технологияләрдән алып сәнгатькә һәм экологиягә кадәр төрле өлкәләрдә үз сәләтләрен һәм осталыкларын күрсәтергә мөмкинлек бирә.
Быел финалда катнашырга Россиянең барлык төбәкләреннән 1500 укучы чакырылган. Финалда Татарстан Республикасы делегациясеннән 18 кеше катнаша, алар сынау нәтиҗәләре буенча барлыгы 6,3 млн сумлык бүләкләр яулады.
10 сыйныфлар арасында 1әр млн сум акча алган җиңүчеләр:
- Насыйбуллин Әмир Фәнис улы
- Русанова Илона Игоревна
- Усманов Тимур Әнвәр улы
8-9 сыйныф укучылары арасында 200әр мең сум акча отучылар арасында:
- Әсәдуллина Диләрә Фәнис кызы
- Кропотова Римма Максимовна
13 финалист, 200 мең сум (10 сыйныф укучылары) һәм 100 мең сум (8-9 сыйныф укучылары) алып, призер булдылар. Бу акчаларны балалар үз белемнәренә һәм үз-үзләрен үстерүгә юнәлтә алалар. Конкурста җиңү шулай ук казанышлар портфолиосына өстәмә баллар бирә, бу илнең югары уку йортларына керү мөмкинлекләрен арттыра.
Балаларга сәламләү сүзен Россия Президенты Владимир Путин юллады: «Җиңүчеләрне һәм призерларны котлыйм! Сезнең һәрберегез — уникаль. Ә бергә сез — зур команда. Сезнең белән ата-аналарыгыз, остазларыгыз һәм төбәкләр горурлана. Иң мөһиме — сез үз хыялыгызга каршы адым ясарга курыкмадыгыз!».
«Большая перемена» конкурсы быел команда эше һәм проектларның социаль әһәмияте мәсьәләләренә игътибарны җәлеп итүне дәвам итә, бу яшьләргә уку өчен дә, киләчәк карьералар өчен дә файдалы күнекмәләрне үстерергә ярдәм итә. Яшьләр өчен мөмкинлекләр тудыру «Яшьләр һәм балалар» милли проекты максатларына туры килә.
