Татарстанда 2025-2026 уку елының Транспорт грантына гаризалар кабул итү башлана

2025 елның 11 ноябре, сишәмбе

10 ноябрьдән 23 ноябрьгә кадәр Татарстан студентлары Татарстан Республикасының һөнәри һәм югары уку йортларында белем алучы студентларга ай саен акчалата ярдәм күрсәтә торган Транспорт гранты алуга гариза бирә алачак.

Грант алучылар «Яхшы» һәм «Бик яхшы» өлгерешләре булган, академик бурычлары булмаган яшьләр булачак. Конкурста Россия Федерациясе гражданнары, чит ил гражданнары, гражданлыгы булмаган затлар – югары белем бирү мәгариф оешмаларында һәм һөнәри белем бирү оешмаларында көндезге бүлектә урта һөнәри һәм югары белем бирү программалары буенча белем алучы 14 яшьтән 35 яшькә кадәрге (шул исәптән) студентлар катнашты.

Конкурста катнашучылар категорияләрнең берсенә керүче укучылар була:

• Фәнни - тикшеренү, иҗтимагый, мәдәни-иҗади яки спорт эшчәнлегендә үзен аеруча актив күрсәткән, өлгерештә «яхшы» һәм (яисә) «бик яхшы» билгеләренә ия булган укучы. Соңгы аттестация йомгаклары буенча, укуның бөтен чоры өчен академик бурычы булмаган (алга таба – Социаль актив Укучы);
• Социаль мохтаҗ категориягә керүче, соңгы аттестация йомгаклары буенча өлгереш билгесе «яхшы» һәм (яисә) «бик яхшы» булган, укуның бөтен чоры өчен академик бурычы булмаган укучы (алга таба – Социаль мохтаҗ Укучы).

Конкурс дүрт этапта уздырыла:

• I этап – «Гариза бирү кампаниясе»  (катнашучылар https://ligastudentov.com Конкурс сайтында катнашуга гариза җибәрәләр) (10-23.11.2025).
• II этап – «Гаризаларны эшкәртү һәм җиңүчеләрне билгеләү»  (2025 елның 24 декабренә кадәр).
• III этап – «Татарстан Республикасында яшәүчеләрнең карталарын рәсмиләштерү һәм бирү».
• IV этап - «Финанс ярдәме түләү» (2026 елның гыйнвар-июне).

«Татарстан студентлары — безнең яшьләрнең иң актив категориясе. Актив эшлиләр, фәнни тикшеренүләр, спорт, иҗат белән шөгыльләнәләр, гаиләләре белән уздырган вакытны кадерлиләр һәм киләчәкләрен төзиләр. Студентлар —  яшьләр сәясәтенең йөрәге ул»,- дип билгеләп үтә Яшьләр эшләре министрының беренче урынбасары Софья Галиева-Мостафина. «Без транспорт чыгымнарының аларның бюджетында җитди маддә булуын аңлыйбыз. Транспорт гранты аларны киметергә сизелерлек ярдәм итә. Бу тулы компенсация түгел, әмма безнең студентларга шәһәргә ачкыч бирә торган реаль ярдәм, ул үз җиңүләренә игътибарны юнәлтергә мөмкинлек бирә, ә юл бәясенә түгел. Өстәвенә, бу «Яшьләр һәм балалар» милли проекты максатларына туры килә».

2024-2025 уку елында конкурста һөнәри белем бирү оешмаларыннан һәм югары белем бирү мәгариф оешмаларыннан 5730 студент җиңде. 2024 елда конкурс йомгаклары буенча 153 уку йортыннан 8861 гариза бирелгән, шуларның 41е – югары уку йортлары һәм 112 һөнәри белем бирү оешмалары.

Финанс ярдәме күләме Казан югары уку йортлары һәм көллиятләре студентлары өчен — 11 000 сум, Яр Чаллы, Түбән Кама, Әлмәт һәм Алабуга муниципаль берәмлекләре укучылары өчен — 10 000 сум, республиканың башка муниципаль районнары студентлары өчен 8 000 сум тәшкил итә.

Конкурсны Татарстан Республикасы Яшьләр эшләре министрлыгы һәм «Татарстан Республикасы Студентлар лигасы» төбәк яшьләр иҗтимагый оешмасы оештыра.