Казанда «ПрофилАрт» Республика театр фестиваленең финалы узачак

25 ноябрьдә «ПрофилАрт» Республика театр фестиваленең финалы була. Бу бөтен Татарстаннан дистәләгән талантлы сценаристлар һәм коллективларның – кискен социаль проблемаларны көчле театраль фикерләргә әйләндерүчеләрнең еллык эшенең кульминациясе.

Бу вакыйгада катнашу өчен 25 ноябрьгә кадәр түбәндәге сайтта теркәлергә кирәк:  https://atmrt.ru/profeelart_festival.  Керү тулысынча бушлай. Кунакларны җыю һәм күргәзмә эшенә старт –17:00, тантаналы ябылу башлану – 18: 00 сәгатьтә. Чараны уздыру урыны – Г.Кариев театры (Казан шәһәре, Петербург урамы, 55б).

«ПрофилАрт» фестивале – сәнгать куркынычсызлык белән очраша торган уникаль проект, чөнки биредә иҗат аша мәгълүмати, психологик һәм идеологик куркынычсызлык һәм экстремизмны профилактикалау яктыртыла. Проект ике этапта үтте: авторлар экспертлардан өйрәнгән һәм пьесалар иҗат иткән «СценАрт» сценаристлар конкурсы һәм театр коллективлары сәхнәдә бу сценарийларны гәүдәләндергән «ПрофилАрт» театраль куелышлар конкурсы.

«Без республиканың иҗат кешеләренә көчле корал – сәнгать бирдек. Һәм аның аша алар шундый мөһим социаль кискен һәм әһәмиятле темаларны ачтылар, җәмгыятькә җиткерделәр. Хәзер инде нәтиҗәләр ясарга, тагын бер кат артка борылырга, тулы бер еллык иҗат, хезмәт һәм иҗат агымына әйләнеп кайтырга вакыт җитте. Безне танып белергә, театр куелышлары сюжетларына чумарга, сәнгать белән туенырга сез инде 25 ноябрьдә – тантаналы ябылу тантанасында ук өлгерәчәксез. Безнең команда сезне бу мөһим нәрсәләр турында сөйли торган сәнгать кичәсенә чакыра!» - дип уртаклашты «ПрофилАрт»  Республика театр фестивале башкарма директоры Нургөл Сансызбаева.

«ПрофилАрт» финалы бер елга якын дәвам иткән фестивальгә нәтиҗә ясый, барлык нәтиҗәләрне колачлый һәм бу озын юлны чагылдыра торган вакыйга булып тора. Чара программасында:

– интерактив күргәзмә – фестивальнең тарихын эчтән, анда катнашучылар, оештыручылар һәм партнерлар күзлегеннән белергә мөмкин, саннар, йөзләр һәм хис - кичерешләр – барысы да бер киңлектә;

– конкурста җиңүчеләрнең театраль постановкалары – республиканың иң көчле яшьләр, студентлар һәм мәктәп коллективларыннан фестиваль кысаларында туган кискен социаль тарихларны тормышка ашырачак финал постановкаларын беренче булып күрү өчен уникаль мөмкинлек;

– проектны җитәкләгән һәм фестивальне булдырырга һәм үстерергә ярдәм иткән мәртәбәле кунакларны сәламләү сүзе;

– театраль куелышлар конкурсында җиңүчеләрне бүләкләү һәм фестивальгә йомгак ясау.

Проект Татарстан Республикасы Иҗади яшьләр академиясе һәм Татарстан Республикасы Яшьләр эшләре министрлыгы ярдәмендә Россия Яшьләре.Грантлар, Президентның Мәдәни инициативалар фонды һәм «Яшьләр һәм балалар» милли проекты ярдәмендә гамәлгә ашырыла.