Татарстан Республикасы Яшь Гвардиясе активистлары 850 кг гуманитар ярдәм җибәрде
Татарстанның яшь гвардиячеләре Херсон юнәлешендә 123 нче бригада сугышчыларына 850 килограмм авырлыктагы гуманитар ярдәм йөкләрен җыйдылар һәм җибәрделәр.
Йөк составында генераторлар, медикаментлар,турникетлар, кием-салым, азык-төлек, маскировка челтәрләре, шәхси гигиена чаралары һәм башка кирәкле әйберләр бар.
«Безгә кичә кич гуманитар йөк кирәклеге турында сөйләделәр, һәм сәгать соң булуга карамастан, без тиз генә эшкә тотындык. Складта гуманитар ярдәмнең бер өлеше бар иде, ул инде җибәрергә әзерләнә иде. Без шунда ук транспорт таптык. Оператив эш нәтиҗәсендә йөк иртән үк җыелды һәм озатылды, һәм без аның өч көн эчендә сугышчыларга барып җитәчәгенә ышанабыз», — дип уртаклашты Татарстан Республикасы «Яшь гвардия» Гуманитар үзәге җитәкчесе Азим Арсланов.
Сез шулай ук безнең сугышчыларга ярдәм итә аласыз. Гуманитар ярдәмне түбәндәге адрес буенча алып килергә була: Казан шәһәре, Жуковский урамы, 12 йорт.
Элемтә өчен: «Бердәм Россиянең Яшь Гвардиясе» гуманитар үзәге җитәкчесе Азим Арсланов: +7 (987) 288-39-29
