Татарстан студент отрядлары ел йомгаклары буенча Россия студент отрядлары төбәк бүлекчәләре арасында лидерлар өчлегендә
Татарстан студентлар отрядлары Россия студентлар отрядларының массакүләм мәгълүмат чаралары белән хезмәттәшлек буенча төбәк бүлеге дип танылды. Җиңүне Бөтенроссия студотрядлар слетында игълан иттеләр.
Бүләкне ТАСС төбәк яңалыклары редакциясе җитәкчесе Андрей Цицинов тапшырды. Республика вәкилләре әлеге исемне икенче ел рәттән тота. Узган ел студотрядларның медиа хезмәте өчен җиңү призы ТАССта стажировка узу мөмкинлеге булды.
Красноярскта 66 нчы хезмәт сезоны тәмамлануга багышланган Бөтенроссия студентлар отрядлары слетына йомгак ясадылар. Татарстан Россия студентлар отрядларының төбәк бүлекчәләре арасында ел йомгаклары буенча өченче урынны алды.
Слетта катнашучыларга Россия Федерациясе Президенты Владимир Путин мөрәҗәгать итте: «Күп очракта РСО ярдәмендә меңләгән студентлар һәм мәктәп укучылары илебез икътисадының төп тармакларында хезмәттә чыныгу алалар, илнең сәнәгать предприятиеләрендә һәм эре төзелешләрендә, аграр һәм транспорт комплексларында, медицина учреждениеләрендә, башка өлкәләрдә эшлиләр. Һәм әлбәттә, сезнең ихтыяҗ булган ирекле, волонтерлык проектларында актив катнашуыгызны, махсус хәрби операциядә катнашучыларга һәм ветераннарга, аларның туганнарына һәм якыннарына зур ярдәм күрсәтүегезне аерым билгеләп үтәм. Россия студотрядчыларына, шулай ук аларның дус дәүләтләрдәге дусларына уңышлар, бетмәс-төкәнмәс энергия һәм иң яхшы уңышлар телим».
Татарстан студентлар хезмәт отрядларының республика үзәге Татарстан Республикасы Яшьләр эшләре министрлыгы карамагындагы оешма булып тора. Яшьләрнең үз-үзләрен тормышка ашыру өчен мөмкинлекләр тудыру «Яшьләр һәм балалар» милли проекты максатларына туры килә.
