Казанда «ПРОкультуру» — 2025 Республика студентлар балы узды
Казан Ратушасында «ПРОкультуру» Республика студентлар балы — бал традицияләрен торгызуга, Яшьләрнең иҗади потенциалын үстерүгә һәм мәдәни кыйммәтләрне популярлаштыруга юнәлдерелгән масштаблы мәдәни-мәгариф чарасы узды. Чараның максатлары «Яшьләр һәм балалар» милли проектының яшьләрнең үз-үзләрен тормышка ашыру өчен шартлар тудыруга, аларның талантларын ачуга һәм социаль әһәмияткә ия эшчәнлеккә җәлеп итүгә бәйле бурычларына туры килә.
Икенче Бал беренче тапкыр республика форматында узды һәм бөтен Татарстан Республикасыннан студентларны җыйды. Гаризалар кампаниясе вакытында 20дән артык белем бирү оешмасыннан, шул исәптән Казан дәүләт федераль университеты, Россия дәүләт гадел хөкем университетының Казан филиалы, Н.Э. Бауман исемендәге Казан дәүләт ветеринария медицинасы академиясе, Н. Г. Җиһанов исемендәге Казан дәүләт консерваториясе, Казан дәүләт аграр университеты, Казан дәүләт архитектура-төзелеш университеты, Казан дәүләт медицина университеты, Казан мәдәният һәм сәнгать университеты, Казан дәүләт энергетика ниверситеты, В.Г. Тимирясов исемендәге Казан инновацион университеты,Россия Кооперация Университеты, А. Н. Туполев исемендәге Казан милли тикшеренү техник университеты, Казан милли тикшеренү технология университеты, Бөтенроссия дәүләт юстиция университеты, Калуга филиалы, Идел буе дәүләт физик культура, спорт һәм туризм университеты, Иннополис Университеты, ТИСБИ, П. В. Дементьев исемендәге Казан авиация-техник көллияте, Казан төзелеш, архитектура һәм шәһәр хуҗалыгы көллияте, Казан медицина көллияте, КРК, Казан инновацион университеты көллияте, Нефтекама нефть көллиятеннән гаризалар бар иде.
Катнашучылар биш этаплы әзерлек программасын үттеләр: белем бирү лекцияләреннән һәм конкурс сынауларыннан алып профессиональ хореографлар белән интенсив репетицияләргә кадәр. Балның бию блогына дүрт юнәлеш кергән — Вальс, Полька, Танго һәм Румба.
Тантанада 150дән артык кеше катнашты — катнашучылар, оештыручылар, партнерлар һәм чакырылган кунаклар, алар арасында Татарстан Республикасы Рәисе ярдәмчесе Тимур Сөләйманов, Татарстан Республикасы Балалар һәм яшьләр эшләре министры Азат Кадыйров, ТРда Кеше хокуклары буенча вәкаләтле вәкил Сәрия Сабурская, ТР Студентлар лигасы президенты Шамил Якупов, шулай ук төбәкнең мәгариф һәм иҗтимагый оешмалары вәкилләре бар иде.
Тавыш бирү йомгаклары буенча төп номинацияләрдә җиңүчеләр игълан ителде: Бал Ханбикәсе – Диана Нуруллина, Бал Ханы – Кирилл Якунов, ә иң яхшы пар булып Валерия Воеводина һәм Тимур Кергилов билгеләнде. Һәр лауреат проект партнерларыннан призлар алды.
Тантанада катнашучыларның берсе ясаган кул һәм йөрәк тәкъдиме кичнең үзенчәлекле мизгеле булды. Кыз «әйе» диде, һәм бу дулкынландыргыч эпизод Балның бизәге булды.
Чараны Росмолодежь ярдәме белән «Татарстан Республикасы Студентлар лигасы» төбәк яшьләр иҗтимагый оешмасы оештырды.Татарстан Республикасы Хөкүмәте, Татарстан Республикасы Яшьләр эшләре министрлыгы һәм «КДЭУ»югары һөнәри белем бирү ФДБМУ грантлары.
Чараны Россия Яшьләре.Грантлар, Татарстан Республикасы Хөкүмәте, Татарстан Республикасы Яшьләр эшләре министрлыгы һәм Казан дәүләт энергетика университеты ярдәмендә «Татарстан Республикасы Студентлар лигасы» төбәк яшьләр иҗтимагый оешмасы оештырды.