Студентлар язында «Махсус хәрби операция геройлары очрашуы» документаль фильмы күрсәтелде
«Россия Студентлар язы» XXXIII Бөтенроссия фестиваленең белем бирү программасы кысаларында «Медиа» юнәлешендә катнашучылар өчен «Махсус хәрби операция геройлары очрашуы» документаль фильмы күрсәтелде. Бу чара булачак журналистларга һәм медиа белгечләргә профессионалның эше белән эчтән танышырга, сораулар бирергә һәм социаль әһәмиятле проектларның ничек төзелүен аңларга мөмкинлек бирде.
Запорожье өлкәсендә төшерелгән «Махсус хәрби операция геройлары очрашуы» документаль фильмы коткару, кеше рәхмәте һәм көчле рух турында сөйли. Сюжет үзәгендә — авыр яраланганнан соң катнаш бүлекчә командирына коткарганы өчен шәхсән рәхмәт әйтергә хыялланган сугышчы. Төшерү төркеме бу очрашуны оештыру һәм ике геройның ихлас хисләрен теркәү өчен алгы сызыкка китә.
Проект Президентның Мәдәни инициативалар фонды ярдәмен алды. Премьера күрсәтүләр Донецкта, Луганскта, Запорожьеда мәктәпләрдә, хәрби бүлекчәләрдә һәм мәдәни учреждениеләрдә, шулай ук Мәскәүдә «Россия» милли үзәгендә узды. Фильм йөзләгән тамашачыда эмоциональ җавап уятты, патриотик һәм агарту медиапроекты буларак үзенең әһәмиятен раслады.
Фильм хәрби хәрәкәтләр зонасы янында барлык куркынычсызлык чараларын үтәп төшерелгән. Кайбер күренешләр махсус стандарт булмаган рәвештә төшерелгән: камера калтырый, фокус югала — бу фронтның чын атмосферасын тапшыру өчен авторлар эшләгән шартларның чагылышы. Фильм кадрларында – чын геройлар, актерларсыз һәм куелышларсыз, бары тик тере хис-кичерешләр, реаль язмышлар һәм кеше сүзенең көче генә.
«Фильм туганлык, рәхмәт һәм иң авыр шартларда көч бирә торган әхлакый таяныч турында ачыктан-ачык һәм төгәл хикәя булды. Бу очрашу гына түгел, ә бүген барысына да кирәкле мөһим сөйләшү», — дип билгеләп үтә фильмның идеясе һәм сценарий авторы, фестивальнең «Медиа» юнәлеше эксперты Артем Тихонов.
Артем Тихонов – Россия Журналистлар берлеге әгъзасы, Беренче каналның Яңалыклар хезмәте продюсеры һәм корреспонденты, Г.В. Плеханов исемендәге Россия икътисад университеты укытучысы. Нәкъ менә ул катнашучыларга документаль фильмны тәкъдим итте.
Яшь журналистлар һәм медиа белгечләр өчен бу күрсәтү — сыйфатлы контент белән танышу гына түгел, ә останың эшен эчтән күрү, социаль әһәмиятле кино булдыру механизмнарын аңлау һәм документалистика аша мөһим темаларга сөйләшә белүче профессионал тәҗрибәсен үзләштерү мөмкинлеге. Фильмны булдыручылар белән очрашу катнашучыларга иҗади генә түгел, ә катлаулы шартларда эшләүнең этик аспектлары турында да фикер алышырга мөмкинлек бирде, бу медиаиндустриядә үз юлын башлаучылар өчен аеруча кыйммәтле.
Фестивальнең барлык трансляцияләре һәм көндәлек видеороликлары VK Видеода һәм Россия яшьләр берлегенең «Студвесна» (Россия Студентлар язы) программасы бергәлегендә ВКонтакте — фестивальнең рәсми социаль челтәрендә урнаштырылачак.
Шунысын да билгеләп үтәргә кирәк, «Россия Студентлар язы» Бөтенроссия фестивале – Россиядә иң масштаблы студентлар иҗат фестивале, ул 1993 елдан бирле ел саен үткәрелә һәм «Студвесна» (Россия Студентлар язы) яшьләр иҗатына ярдәм итү һәм аны үстерү программасының флагман проекты булып тора.
2025 елда фестивальнең гамәлгә куючылары һәм оештыручылары булып Россия Федерациясе Фән һәм югары белем министрлыгы, «Россия яшьләр берлеге» гомумроссия иҗтимагый оешмасы һәм Татарстан Республикасы Яшьләр эшләре министрлыгы белән Татарстан Республикасы Хөкүмәте тора. Фестиваль Россия Федерациясе Мәдәният министрлыгы һәм яшьләр эшләре буенча Федераль агентлык (Росмолодежь) ярдәмендә оештырыла. Генераль партнер булып Ак Барс Банк тора.